Jeńil atletıkadan Túrkııada halyqaralyq týrnırge qatysqan Qazaqstan quramasynyń sportshylary elge tabysty oraldy. Jerlesterimiz eki altyn jáne eki kúmis medal jeńip aldy.
Halyqaralyq jarystyń qorytyndysy boıynsha 100 jáne 400 metrge júgirýde otandastarymyzdan Rımma Kashafýtdınova men Adelına Ahmetova aldyna jan salmady. Atalǵan qashyqtyqty birinshi bolyp júgirip ótken eki sportshymyz tuǵyrdyń bıik satysynan kórindi.
200 metrge júgirýde baq synaǵan Dıana Núsipbekova men Vıtalıı Zevs márege ekinshi jetip, baıraqty básekeniń kúmis júldegerleri qatarynan kórindi. О́kinishke qaraı, Vıacheslav Zevs (400 m) pen Vladıslav Grıgorev (100 m) qola júldege synyq súıem qalǵanda qarsylastaryna jol berip, bul synda jarysty tórtinshi orynmen aıaqtady.