Amerıka Qurama Shtattarynyń aýǵan jerindegi áskerı kontıngenti Aýǵanstanda ornalasqan keıbir AQSh áskerı bazalaryn evakýasııalaýǵa daıyndyqty bastady. Bul týraly jeksenbide AQSh pen NATO-nyń Aýǵanstandaǵy qolbasshysy general-leıtenant Skott Mıller málimdedi, dep habarlaıdy Egemen.kz «TASS» agenttigine silteme jasap.
«Keıbir bazalardy kóshirý jumystary bastalyp ketti. AQSh barlyq áskerı bazalaryn aýǵan armııasyna tapsyrady. Eger Talıban AQSh áskerı kúshine nemese kez kelgen koalısııa kúshterine shabýyl jasaıtyn bolsa, biz oǵan naqty jaýap beremiz», dedi Skott Mıller. Bul pikir Hama Press aýǵan agenttigi jarııalaǵan aqparatta jazyldy.
Agenttiktiń habarlaýynsha, Amerıka Qurama Shtattary aldaǵy eki apta ishinde úsh bazany jáne Kandagar provınsııasyndaǵy áskerı áýejaıdy Aýǵanstan jaǵyna ótkizbekshi.