Syr óńiriniń «qyzyl aımaqqa» ótýine baılanysty Qyzylorda oblysy boıynsha QAJ departamentine qarasty ZK-169/1 mekemesinde koronavırýstyq ınfeksııasynyń aldyn alý sharalary qaıta kúsheıtildi, dep habarlaıdy Egemen.kz.
Jabyq mekemege kirip-shyǵatyn barlyq kelýshiler men mekeme qyzmetkerleriniń maska taǵyp júrýi tekserilip, dene qyzýy ólshenip, qalypty deńgeıde bolǵanda ǵana kirgiziledi.
Mekemege kelýshiler dezınfeksııalaý maqsatynda ornatylǵan, kompressor týnel arqyly ótedi.
Sonymen qatar sottalǵandar men aıyptalýshylar serýenge shyqqan ýaqytynda, arnaıy ǵımaratta ornalasqan kameralar rotorly búrikkishterdegi daıyndalǵan ertindilermen zalalsyzdandyrylady. О́ndiristik oryndar men ashanada sanıtarlyq jumystar kúndelikti atqarylýda.
Qaıta beleń alǵan juqpaly indetten saqtanýdyń eń qaýipsiz joly, vaksına qabyldaý. Sondyqtan búginde mekeme qyzmetkerleri men qamaýda ustalyp otyrylǵan azamattardyń kópshiligi «Spýtnık V» ekpesin saldyrdy.