Qazirgi zamanǵy mýzeı tájirıbesinde memorıaldyq kórmeler uıymdastyrý úrdiske aınalyp otyr. О́ıtkeni memorıaldyq kórmeler jekelegen óner ıeleriniń ómir órnekterinen málimet berip, esimi el esinde qalǵan taǵylymdy tulǵalardyń tarıhı obrazyn qalyptastyrýǵa múmkindik beredi.
«Uly dalanyń áıgili perzentteri» dep atalǵan kezekti kórme el Táýelsizdiginiń 30 jyldyǵy men tarıhı tulǵalardyń dara turar datasyna oraılastyrylyp otyr. Memlekettik Ortalyq mýzeı tórinde shymyldyǵyn túrgen aıtýly joba jyr alyby Jambyl Jabaevtyń 175 jyldyq, kúsh atasy Qajymuqan Muńaıtpasovtyń 150 jyldyq, sahna serkesi Serke Qojamqulovtyń 125 jyldyq, ánshi, kompozıtor Manarbek Erjanovtyń 120 jyldyq, kompozıtor Latıf Hamıdıdiń 115 jyldyq, qazaq poezııasynyń asa kórnekti ókili, aqyn Qasym Amanjolovtyń 110 jyldyq, memleket qaıratkeri, etnograf О́zbekáli Jánibekovtiń 90 jyldyq mereıtoılaryna arnalǵan.
Kórmede mereıtoı ıeleriniń tirshiliginde tutynǵan jeke zattary, ómiri men shyǵarmashylyǵyna qatysty biregeı foto-qujattar, hattar, eńbekteri men marapattary, sonymen qatar beıneleý óneri týyndylary men ıllıýstrasııalar qoıylǵan. Ásirese, Jambyl Jabaevtyń ómirden ótkennen keıingi bet-pishininiń gıpsten quıylǵan bederi men kúsh atasy – Qajymuqannyń tymaǵy kelýshiler nazaryn aýdarady.
– Qazaq tarıhynda izi qalǵan tulǵalardy ulyqtaýdyń mýzeıler úshin birden-bir joly – kórme uıymdastyrý arqyly nasıhattaý. Aıtýly jobany Nomad Life kompanııasymen birlese uıymdastyryp otyrmyz. «Uly dalanyń áıgili perzentteri» kórmesi osy atalǵan tulǵalardyń qaıratkerlik qyryn tanytýǵa jol ashyp, mýzeı kolleksııasy arqyly syr shertedi, – deıdi Memlekettik Ortalyq mýzeı qyzmetkeri Sulýshash Aǵeleýova.
ALMATY