Shahmattan Ekaterınbýrgte ótken «Úmitkerler týrnıri» Iаn Nempomnıashııdiń jeńisimen aıaqtaldy. 30 jastaǵy reseılik grossmeıster 14 týrdan keıin 8,5 upaı jıyp, ózge básekelesterinen qara úzip ketti.
Osylaısha, Nempomnıashıı birinshi oryn alsa, odan keıingi satylarǵa Maksım Vashe-Lagrav (Fransııa. 8 upaı), Anısh Gırı (Nıderland, 7,5 upaı), Fabıano Karýana (AQSh. 7,5 upaı), Aleksandr Grıshýk (Reseı. 7 upaı), Dın Lıjen (Qytaı. 7 upaı), Kırıll Alekseenko (Reseı. 5,5 upaı) jáne Van Hao (Qytaı. 5 upaı) syndy oıynshylar jaıǵasty.
Iаn Nempomnıashııdiń 1990 jyldyń 14 shildesinde Desna ózeniniń jaǵalaýynda ornalasqan Brıansk qalasynda dúnıege keldi. Bes jasqa qaraǵan shaǵynda shahmatqa myqtap den qoıyp, eki-úsh jyl aralyǵynda sport sheberligine úmitker dárejesine deıin jetti. Odan keıingi jyldary da jas darynnyń júrip ótken joly jarqyn jeńisterge toly boldy. Iаn óz qurdastary arasynda álem jáne Eýropa birinshilikterinde top jaryp eresekter dýyna da erkin qosyldy. 14 jasynda halyqaralyq sheber jáne 17 jasynda grossmeıster atandy. Ár jyldary Reseıdiń jáne komandalyq álem birinshiliginiń bas júldesin eki retten oljalasa, Eýropa chempıonatynda bir márte teńdesssiz dep tanyldy. Basqa da halyqaralyq dodalarda dara talantymen oqshaýlanyp, oljaǵa keneldi.
2020 jyldyń kókteminde Nepomnıashıı «Úmitkerler týrnırine» qatysty. Sol jarysta ol fransııalyq Maksım Vashe-Lagravmen birge jarys kestesinde kósh bastap turǵan edi. Alaıda kúlli álemdi dúrliktirgen koronavırýstyń kesirinen aıtýly doda keıinge shegerilip, ol tek bıylǵy jyldyń kókteminde ǵana óz jalǵasyn tapty. Bul joly reseılik shahmatshy qarsylas shydatpaı, «Úmitkerler týrnırinde» bas júldeni oljalady.
Álem chempıony ataǵy úshin tartys aǵymdaǵy jyldyń 24 qarashasy men 16 jeltoqsan aralyǵynda Birikken Arabtar ámirliginiń Dýbaı qalasynda ótedi. Bul básekede dańqty Magnýs Karlsendi qapy qaldyrý úshin Iаn Nempomnıashııge kóp ter tógýge týra keledi. О́ıtkeni, 30 jastaǵy norvegııalyq shahmatshy qazir naǵyz babynda. 2013 jyly alǵash ret chempıondyq tájdi ıelengen Karlsen kúni búginge deıin sol tuǵyrynan esh tómendegen emes. Qandaı jarysqa qatyssa da, ol únemi aldyńǵy lekten kórinýde. Al 2020 jyldyń qańtarynda Magnýs rekordtyq nátıjege ıek artty. Skandınavııanyń sańlaǵy qatarynan 111 partııada eshkimnen jeńilgen joq. Aqyry óziniń bul kórsetkishin 125-ke deıin jetkizdi. Byltyrǵy jyldyń qazan aıynda ótken «Altibox Norway Chess» týrnırinde Karlsenniń jeńispen órilgen serııasy úzildi. О́z elinde ol polshalyq Iаn-Kshıshtof Dýdaǵa ese jiberdi.