Úndistanda táýligine 2 myńnan astam adam koronavırýstan kóz jumýda, dep habarlaıdy Egemen.kz VVS.com saıtyna silteme jasap.
Birinshi tolqynda táýligine ortasha alǵanda 93 myń turǵyn koronavırýs juqtyrǵan. 17 sáýirden bastap kúndelikti statıstıka 200 myń adamǵa deıin kóterilip, sońǵy aptada kúnine 350 myń adamǵa jetip otyr. О́lim sany da birinshi tolqynmen salystyrǵanda eki esege artty. Úndistanda koronavırýstan sońǵy aptada táýligine ortasha 2 336 adam qaıtys boldy.
Eldegi eń aýyr jaǵdaı Delıde, munda aýrýhanalarda О́JJA ornatylǵan oryndar qalmaǵan. Basqa iri qalalarda da jaǵdaı osyndaı. Resmı statıstıka boıynsha, pandemııa bastalǵaly elde 17 mln adam koronavırýs juqtyryp, 192 myń adam qaıtys bolǵan. Halyq sanynyń kóptigi jáne udaıy jyljyp otyrýy Covid-19-ǵa testileý ótkizýge jáne naqty ólim sany boıynsha esep júrgizýge kedergi keltiredi. Sol sebepti Úndistandaǵy daǵdarystyń shynaıy masshtabyn baǵalaý qıynǵa soǵyp otyr.
BBC tilshisiniń aıtýynsha, eldegi masshtabty vaksınalaý baǵdarlamasy úlken qıyndyqtarǵa tap bolýda. Bul baǵdarlama 16 qańtar kúni bastalǵan, shildege deıin 250 mln adamdy vaksınalaýdy kózdep otyr. Qazirgi kezde vaksınanyń birinshi dozasyn 118 mln adam ǵana alǵan, bul – halyqtyń 9%-y.
Juqtyrý rekordy Úndistan shekarasyn asýy múmkin, sol sebepti kóp elder bul elmen áýe qatynasyn toqtatty. Brıtanııa, Brazılııa jáne Ońtústik Afrıkada paıda bolǵan koronavırýstyń jańa túri ózge elderde úlken problemalar týdyrdy. Fızıka jáne bıologııa professory, juqpaly aýrýlardy modeldeý salasyndaǵy sarapshy Menon Úndistanda vırýstyń jańa túri paıda bolýy múmkin ekendigin eskertti. Dúnıejúzilik qaýymdastyq Úndistanǵa daǵdarysty jeńýge kómek kórsetýde. Ulybrıtanııa elge О́JJA jáne koıýlanǵan ottek qorlaryn jiberdi, AQSh Úndistanǵa AstraZeneca vaksınasyn kóp mólsherde óndirýge múmkindik berý úshin bastapqy materıaldar eksportyna tyıymdy ýaqytsha alyp tastady. Kóptegen elder bilikti qyzmetkerler men jeke qaýipsizdik quraldaryn usynýda.