Tuńǵysh Prezıdent Qazaqstan halqy Assambleıasynyń XXIX sessııasynda 2025 jylǵa qaraı Qazaqstan halqy 20 mıllıonnan asatynyn aıtty, dep habarlaıdy Egemen.kz.
«1993 jyly Keńes Odaǵy ydyraǵannan keıin adamdar qaıda bararyn, ne isterin bilmeı qaldy. Bizdiń elge kelgen ártúrli halyq ókilderi qaıta qonys aýdarǵysy keldi. Biz olarǵa tańdaý erkindigin berdik. Sol sátte Qazaqstannan 3 mıllıonǵa jýyq adam ketti. Sodan keıin halyq sany 14 mıllıonǵa deıin azaıdy. Búginde halqymyzdyń sany 19 mıllıonǵa jýyqtady. 2025 jylǵa qaraı 20 mıllıonnan asyp túsemiz», dedi Nursultan Nazarbaev.
Eske sala keteıik, Qazaqstannyń Tuńǵysh Prezıdenti - Elbasy, QHA Tóraǵasy N.Á.Nazarbaevtyń tóraǵalyǵymen Qazaqstan halqy Assambleıasynyń XXIX sessııasy ótip jatyr.
Sessııa jumysyna onlaın formatta 600-den astam adam qatysyp jatyr. Olardyń qatarynda barlyq óńirlerden kelgen Assambleıa músheleri, respýblıkalyq jáne óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń basshylary, ÚEU, ǵylymı, shyǵarmashylyq zııaly qaýym jáne BAQ ókilderi bar.