Fýtboldan ÝEFA Chempıondar lıgasynyń jartylaı fınalyndaǵy ekinshi match oıyny aıaqtaldy. Fransııada ótken kezdesýde «Parı Sen-Jermen» óz alańynda «Manchester Sıtı» komandasyn qabyldady.
Aǵylshyndyq klýb qonaqta oınaǵanyna qaramaı, Parıjde jigerli oıyn kórsetti. Matchtyń esebin 15-mınýtta PSJ klýbynyń brazılııalyq qorǵaýshysy Markınos ashty. Birinshi taım sońyna deıin tablodaǵy esep saqtalyp turdy. Ekinshi taımda «Manchester Sıtı» oıyn tizginin óz qolyna alýǵa tyrysty. Nátıjesinde, aınaldyrǵan jeti mınýttyń ishinde «Sıtı» oıynshylary tarazy basyn teńestirip qana qoımaı, eki golmen esepte alǵa shyǵyp aldy. 64-mınýtta Kevın De Brıoıne esepti teńestirse, 71-mınýtta Rııad Marez aǵylshyndyq klýbtyń ekinshi jáne matchtaǵy jeńis golyn saldy.
Osylaısha «Manchester Sıtı» syrt alańdaǵy oıynda qarsylastarynan 2:1 esebimen basym túsip, bir aptadan keıin Manchesterde ótetin oıyn aldynda basymdyqqa ıe boldy. Eki komanda arasyndaǵy qarymta kezdesý 4 mamyrǵa josparlanǵan.