Jambyl óńirlik kommýnıkasııalar qyzmeti alańynda oblystyq Densaýlyq saqtaý basqarmasy basshysynyń orynbasary Hamıt Myrzaqasymov oblysta jyl basynan beri 3 ana ólimi tirkelgenin málimdedi, dep habarlaıdy Egemen.kz
Bıyl Jambyl oblysynda medısınalyq qural-jabdyqtar satyp alýǵa 2,477 mlrd qarajat bólindi. Oǵan emdeý-aldyn alý uıymdaryna 120 dana medısınalyq qural-jabdyq alý josparlanǵan.
Ol brıfıngte «Nur Otan» partııasynyń «О́zgerister joly: ár azamatqa laıyqty ómir!» atty saılaýaldy baǵdarlamasyn iske asyrý jónindegi Jol kartasynyń oryndalýy boıynsha túrli baǵyttarǵa toqtalyp ótti.
Osyǵan baılanysty medısınalyq jabdyqtar alý baǵdarlamadaǵy 70-shi baǵytqa jatady. Jalpy, Jol kartasynda densaýlyq saqtaý salasyna qatysty 12 tarmaq bar.
«Jol kartasy boıynsha jumystarǵa toqtalar bolsam, búginde Taraz qalasynda 200 tósek-oryndyq oblystyq onkologııalyq dıspanser salynýda. Onyń qurylysy 2018 jyldyń qarasha aıynda bastalǵan. Sondaı-aq oblys boıynsha jalpy ólim-jitim kórsetkishin tómendetý, náreste ólim kórsetkishin azaıtý boıynsha atqarylatyn jumystarǵa arnalǵan tarmaqtar bar. Jalpy, aǵymdaǵy jyldyń 1 toqsanynda óńirde 3 ana ólimi tirkelip, kórsetkish - 45,0-di qurady», dedi H.Myrzaqasymov.