AQSh prezıdenti Djo Baıden 21 mamyrda Aq úıde Ońtústik Koreıa lıderi Mýn Chje Indi qabyldaıdy. Bul týraly Vashıngton ákimshiligi basshysynyń baspasóz hatshysy Djen Psakı beısenbide taratqan jazbasha málimdemesinde aıtty, dep habarlaıdy Egemen.kz «TASS» agenttigine silteme jasap.
«Prezıdent Baıden 2021 jyly 21 mamyrda Aq úıde Koreıa Respýblıkasynyń Prezıdenti Mýn Chje Inmen kezdesýdi asyǵa kútedi. Prezıdent Mýnnyń sapary Amerıka Qurama Shtattary men Koreıa Respýblıkasy arasyndaǵy myzǵymas odaqtyń, sondaı-aq ekonomıkalyq yntymaqtyń áleýetin eseleı túspek. AQSh prezıdenti eki el arasyndaǵy birlikti odan ári nyǵaıtyp, tyǵyz yntymaqta bolý úshin mardymdy jumystar atqarylatynyna úmittenedi», dedi Djen Psakı.
Boljam boıynsha, kezdesý barysynda Koreı Halyq Demokratııalyq Respýblıkasy tóńiregindegi jaǵdaılarǵa baılanysty kelissózder júrgizilmek.