Qazir áskerı qyzmetshiniń tamaqtaný quramyna 48 den 61-ge deıin túrli tamaq ónimderi kiredi. Bul týraly Ortalyq Kommýnıkasııalar qyzmetinde «Qarýly kúshterde zattaı múlikpen qamtamasyz etý jáne tamaqtandyrýdy uıymdastyrý» taqyrybynda ótken brıfıngte aıtyldy, dep habarlaıdy Egemen.kz
«Qazaqstan Qarýly kúshterin damytýdyń basty baǵyttarynyń biri – tyldyq qamtamasyz etý. Sarbazdyń árqashan qarny toq, kıimi muntazdaı taza, medısınalyq qyzmetpen árdaıym qamtylǵan bolýy kerek. Sondaı-aq turǵylyqty jeri sanıtarlyq-gıgıenalyq talaptarǵa saı bolýy qajet. Al tehnıkalar janarmaı túrlerimen únemi toltyrylyp turýy tıis», dedi brıfıngte QR Qorǵanys mınıstriniń orynbasary Muhamedjan Talasov.
Vıse-mınıstrdiń sózine qaraǵanda, Qarýly kúshterge búgingi kúnge deıin tamaq ónimderiniń rasıonyn jaqsartý maqsatynda tamaqtaný quramynyń normalary úsh ret ózgergen.
«Qazirgi tańda áskerı qyzmetshiniń tamaqtaný quramyna 48-den 61-ge deıin tamaq ónimderi kiredi. Onyń ishinde sıyr, qus jáne balyq eti, irimshik, shujyq, súzbe, qaımaq sondaı-aq jemister men tabıǵı shyryndar bar. Densaýlyqty jaqsartý maqsatynda dárýmendi qospalar men gematogen jáne basqa da ónimder kiredi. Al 2018 jyldan bastap turaqty jaýyngerlik daıyndyqtaǵy áskerı bólimderde vzvod komandırinen rota komandırine deıingi ofıserlerge jáne kelisimshart boıynsha barlyq áskerı qyzmetshilerge memleket esebinen tegin túski as beriledi», deıdi Muhamedjan Talasov.