Áıgili ánshi, kompozıtor, Qazaq KSR-niń Halyq artısi, Qazaqstan Respýblıkasynyń Memlekettik syılyǵynyń, «Qurmet», «Otan» ordenderiniń ıegeri Eskendir Hasanǵalıev ómirden ozdy, dep habarlaıdy Egemen.kz
Bul týraly Mádenıet jáne sport vıse-mınıstri Nurqısa Dáýeshov Facebook-tegi paraqshasynda jazdy.
«Ardaqty aǵamyz, asyl aǵamyz, áıgili kompozıtor, QR Memlekettik syılyǵynyń ıegeri, Qazaqstan KSR halyq artısi Eskendir О́tegenuly Hasanǵalıev ómirden ozypty. Marqumnyń jaqyndaryna qaıǵyryp kóńil aıtamyn. Imany salamat bolsyn», dep jazdy Mádenıet mınıstriniń orynbasary.
Eskendir О́tegenuly Hasanǵalıev 1940 jyly 13 aqpanda Batys Qazaqstan oblysynda týǵan. 1959 jyly Qurmanǵazy atyndaǵy Almaty memlekettik konservatorııasynyń vokaldy-hor fakýltetin, 1978 jyly Ál-Farabı atyndaǵy Shymkent mádenıet ınstıtýtyn bitirdi. О́mirin ónerge arnaǵan Hasanǵalıevtiń «Atameken», «Ádemi», «Asyl arman», «О́mirimniń jazy», «Eskirmegen mahabbat» ánderin bilmeıtin qazaq joq.
Eskendi Hasanǵalıev – qazaqtyń án ónerine zor úlesin qosqan sazger. Onyń repertýaryndaǵy avtorlyq týyndylary el júreginen oıyp turyp oryn alǵan. Shyǵarmashylyq ǵumyrynda orys, tatar, nemis aqyndarynyń óleńderine de án jazǵan. 200-ge jýyq án, romans jáne horǵa arnalǵan shyǵarmalardyń avtor boldy.
Eskendir Hasanǵalıev pen jubaıy Darıko Hasanǵalıevanyń eki qyzy men bir uly bar.
Eske sala keteıik, buǵan deıin Eskendir Hasanǵalıev pen jubaıy koronavırýspen jansaqtaý bólimine túskenin habarlaǵan edik.