«Áziret Sultan» memlekettik tarıhı-mádenı qoryq-mýzeıi uıymdastyrǵan «Iаsaýı izimen» ǵylymı-tanymdyq ekspedısııasy Qyzylorda oblysynyń Jańaqorǵan aýdany aýmaǵynda jatqan Qoja Ahmet Iаsaýıdiń týǵan aǵasy Sadyr shaıyq jáne atalǵan óńirge belgili tulǵalardyń kesenelerine zııarat jasap, derek jınady.
Tarıhı derekterge úńilsek, Sadyr shaıyq ıslam jolynda eńbek etken tulǵa. Jaryqtyq Jańaqorǵan aýdanyna qarasty Qojakent aýyly mańyndaǵy Qoılaqy kóliniń janyna jerlengen. Shaıyq oqyp, bilim alý úshin Saıramnan Túrkistanǵa kelýi, odan keıin Syr boıyndaǵy О́zgent shaharyna bas ımam bolǵany jaıly halyq arasynda aýyzeki derek saqtalǵan.
«Sońǵy kezde Qoja Ahmet Iаsaýı babamyzdyń týǵan-týystary jaıly derekter izdestirý, ony halyqqa nasıhattap, keler urpaqqa tolyqqandy málimet qaldyrý maqsatynda jumys júrgizip jatyrmyz» deıdi ekspedısııa jetekshisi «Áziret Sultan» memlekettik tarıhı-mádenı qoryq-mýzeıiniń dırektory Nurbolat Ahmetjanov.
Al Sadyr shaıyqtyń Jańaqorǵanǵa qonys aýdarýy týraly aıtar bolsaq, bir derekte Qoja Ahmet Iаsaýıdiń uly Ibrahım Sultan kisi qolynan jastaı qaza tapqandyqtan, el ishinde kek alý qaqtyǵysy týmas úshin haziret týǵan baýyry Sadyrdy Jańaqorǵan jaqqa ózi qonys aýdartqan deıdi.
Osy sapar barysynda ekspedısııa músheleri Sadyr shaıyqtyń nemeresi Máýlana Safı-ad-dın Oryn Qoılaqynyń jáne Túgisken aýylyndaǵy Aqqorǵan qorymynda jerlengen Iаsaýı jolyn jalǵastyrýshy aǵaly-inili Úsen shaıyq pen Qara shaıyqtyń kesenelerine taǵzym etýmen qatar, HH ǵasyrdyń 30-shy jyldary ómirden ótken Báımen qoja (Baımuhammed) kesenesine de at basyn burdy. Sapar barysynda el ishinen tyń derekter men ańyzdar da jınaqtaldy.