Tanymal jazýshy ári aýdarmashy Málik Otarbaev jańa qyzmetke aýysýyna baılanysty Qoljazbalar jáne sırek kitaptar Ulttyq ortalyǵynyń dırektory laýazymyn bosatty, dep habarlaıdy Egemen.kz
«Málik Nurjanuly kóne de sırek kitaptar saqtalǵan ortalyqtyń damýyna súbeli úles qosty. Ásirese aqparattyq-nasıhattyq, qoǵammen baılanys jumystaryna erekshe mán berdi. Osy ýaqyt aralyǵynda qorymyz da molaıa tústi. Jaqynda Ulttyq ortalyqqa arnaıy kelgen Mádenıet jáne sport mınıstri Aqtoty Raıymqulova Málik Otarbaev pen jalpy ujymnyń jumysyna oń baǵa berdi. Qazirgi tańda ortalyqtyń tynys-tirshiligin tek jýrnalıster men blogerler qaýymy ǵana emes, kitapty qadir tutatyn barsha azamattar jaqsy biledi. Munyń ózi atqarylǵan is-sharalardyń bir ǵana kórinisi», delingen ulttyq ortalyqtyń habarlamasynda.