Qostanaı oblysynda pnevmatıkalyq myltyqtan eki qyz jaraqat aldy. Polıseıler oq atqan kúdiktini anyqtady, ol 15 jastaǵy jasóspirim bolyp shyqty, dep habarlaıdy Egemen.kz Alau.kz saıtyna silteme jasap.
Oqıǵa 3 sáýirde bolǵan. 17 jáne 25 jastaǵy qala turǵyndary bilek jáne jambas tusyndaǵy jaraqatpen aýrýhananyń qabyldaý bólimine jetkizilgen. Tergeý barysynda qyzdardyń Maıasova kóshesinde jaraqattanǵany anyqtaldy. Olarǵa alǵashqy medısınalyq kómek kórsetildi.
Polısııa oq atqan kúdikti retinde 15 jastaǵy jasóspirimdi anyqtaǵan. Onyń úıinen ákesine tıesili pnevmatıkalyq myltyq tárkilengen.
Qazirgi ýaqytta QR QK-niń 107-baby «Densaýlyqqa qasaqana ortasha zııan keltirý» boıynsha sotqa deıingi tergeý júrgizilip jatyr.