Elordada Nur-Sultan qalasy ákimdiginiń qoldaýymen 7-9 mamyr kúnderi grek-rım kúrsinen qazaqtan shyqqan tuńǵysh Olımpıada chempıony, Eńbek eri Jaqsylyq Úshkempirovti eske alýǵa arnalǵan halyqarlyq týrnır ótedi, dep habarlaıdy qala ákimdiginiń resmı saıty.
2001-2003 jyly týylǵan jasóspirimder arasynda ótetin týrnırde balýandar 55, 60, 63, 67, 72, 77, 82, 97, 130 keli salmaq dárejelerinde baq synaıdy.
Baıraqty básekege Qazaqstan, Reseı,Grýzııa, Ýkraına, Tájikstan, Qyrǵyzstan jáne О́zbekstan elderinen eki júz elýden asa sportshy qatysady dep kútilýde. Jarys jeńimpazdary men júldegerleri dıplom, medal jáne qarjylaı syılyqtarmen marapattalady.
Eldegi karantın talaptaryna sáıkes halyqaralyq týrnır jankúıerlersiz ótedi. Kórermender jarysty Qazsport arnasynan tikeleı efırde tamashalaı alady.