Erteń Bolgarııanyń bas shahary – Sofııada kúres túrlerinen Olımpııa oıyndarynyń sońǵy joldamalary sarapqa salynatyn halyqaralyq týrnırdiń shymyldyǵy túriledi.
Úsh kúnge sozylatyn básekeler barysynda Qazaqstanyń jeti balýany kúsh synasady. Grek-rım kúresinen ulttyq komandamyzdyń bas bapkeri Baqtııar Baıseıitov Almat Kebisbaev (67 kılo), Oljas Syrlybaı (97 kılo) jáne Álimhan Syzdyqov (130 kılo) syndy shákirtterine senim artyp otyr. Almat pen Álimhan úshin bul lısenzııalyq týrnırdegi alǵashqy synaq. Al Oljas sáýir aıynda Almatyda ótken dodada alǵa qoıǵan maqsatyna qol jetkize almaǵan edi.
Áıelder kúresinen de úsh jerlesimiz óner kórsetedi. Olar – Altynaı Satylǵan (57 kılo), Aına Temirtasova (62 kılo) jáne Jamılıa Baqbergenova (68 kılo).
Erkin kúresten Sofııada bir joldama alsaq, jerlesterimiz Tokıoǵa tolyq quramda attanady. Bul joly da bizdiń bapkerler Azamat Dáýletbekovti (86 kılo) dúbirli dodaǵy qosýdy qup kórip otyr.
Esterińizge sala keteıik, aıtýly jarysta balýandar eń sońǵy 36 lısenzııany sarapqa salady. Ol joldamalarǵa tek ár salmaq dárejesi boıynsha fınalǵa shyqqan sańlaqtar ǵana ıelik etedi.