Bilim jáne ǵylym mınıstrligi Ulttyq ǵylymı-praktıkalyq dene tárbıesi ortalyǵynyń uıymdastyrýymen ótken Ulttyq mektep lıgasy aıasynda voleıboldan «Shubar dop» jarysynyń jeńimpazdary anyqtaldy.
Elordada uıymdastyrylǵan dúbirli dodaǵa respýblıkalyq mańyzy bar úsh qala men 14 oblystyń oqýshylary qatysty. Erler arasyndaǵy (9-11 synyptar) voleıboldan «Shubar dop» jarysynda Shymkent qalasynyń №71 orta mektep komandasyna teń keler qarsylas tabylmady. Mereıli ekinshi oryndy Túrkistan oblysy Sozaq aýdanyndaǵy Keńesbaev jalpy orta mektebi ıelense, úshinshi oryn Nur-Sultan qalasy J.Jabaev atyndaǵy №4 mektep-gımnazııasyna buıyrdy.
Qyzdar arasyndaǵy (9-11 synyp) dop jarysynda Túrkistan oblysy №18 J.Edilbaev atyndaǵy orta mektebiniń komandasy jeńimpaz atandy. Ekinshi oryndy Pavlodar oblysy №12 orta mektebi, úshinshi oryndy Mańǵystaý oblysy Munaıly aýdany №2 orta mektebiniń oqýshylary ıelendi. Ulttyq mektep lıgasy el táýelsizdiginiń 30 jyldyq mereıtoıyna oraı uıymdastyryldy.