Elorda ákimi Altaı Kólginov Instagram paraqshasynda qala turǵyndary arasynda buqaralyq sportty nasıhattaý boıynsha ákimdiktiń júrgizip jatqan jumysy týraly jazdy, dep habarlaıdy Egemen.kz.
«Búgin AQSh hokkeı klýbynyń jattyqtyrýshysy bolǵan Bulbul Qartanbaımen kezdestim. Ol atalǵan sport túrindegi alǵashqy qazaqstandyq sportshy atanyp otyr. Bulbulmen yntymaqtastyq máseleleri talqylandy. О́z tarapymyzdan oǵan elordamyzda qyzdarǵa arnalǵan hokkeı seksııasyn ashýǵa kómektesemiz.
Sport – árqaısymyzdyń ómirimizde mańyzdy ról atqarady. Qala turǵyndary arasynda buqaralyq sportty nasıhattaý úshin qajetti jaǵdaılar jasaımyz: sport nysandaryn jóndeımiz, jańa sport keshenderin ashamyz, mysaly, Elbasynyń tapsyrmasy boıynsha «Qazaqstan» jeńil atletıkalyq kesheni salyndy. Sondaı-aq qoǵamdyq keńistikter (saıabaqtar, skverler, býlvarlar) men aýlalardy abattandyramyz, balalar men jasóspirimder sportyn, federasııalardy qoldaımyz. Osynyń barlyǵy sport nysandarynyń qoljetimdiligin arttyrýǵa, sol arqyly ózimizdiń bolashaq sport juldyzdarymyzdy jáne sapaly jattyqtyrýshylar quramyn ósirýge, sondaı-aq qala turǵyndaryn buqaralyq sportqa baýlýǵa, elordamyzda halyqaralyq deńgeıdegi sporttyq is-sharalardy ótkizýge jáne t.b. múmkindik beredi», dep jazdy elorda ákimi.