Almaty oblysynda garajdan kámelet jasqa tolmaǵan eki bozbalanyń máıiti tabyldy. Qaıǵyly oqıǵa Jarkent qalasynda bolǵan, dep habarlaıdy Egemen.kz Eýrazııa birinshi arnasyna silteme jasap.
О́ńirdegi polısııa departamentiniń habarlaýynsha, marqumdardyń ekeýiniń de jasy 17-de bolǵan. Boljam boıynsha jer úıdiń garajynda kólik jóndeý kezinde benzın ıisine ýlanyp, kóz jumǵan. Qazirgi tańda mamandar qaıǵyly jaǵdaıdyń naqty sebebin bilý úshin sotqa deıingi tekseris júrgizip jatyr.
«Qınap óltirý belgileri anyqtalmady. Aldyn ala boljam boıynsha jasóspirimder avtokólikti jóndeý kezinde benzın ıisine ýlanǵan. Qazirgi ýaqytta atalǵan derek boıynsha QR QK-niń 156-baby 4-bóligi boıynsha sotqa deıingi tergeý amaldary júrgizilýde», deıdi Almaty oblystyq PD resmı ókili Aqbota Ázirbek.