Qaıtpas 1 qarańǵylyq qushaǵynda

Tipti jaýyn-shashyn, qatty jel turǵan kúnderi jaryq jıi sónedi. Elektr jelileri es­­kir­gen. Ol azdaı aýdandaǵy Al­taı, Sa­­ryjaılaý, Aqjelken, Bo­la­shaq kóshelerinde kóshe sham­dary atymen joq. Sonyń saldarynan atalǵan aýdanda urlyq-qarlyq, tonaýshylyq tyıylmaýda. Byltyr uıymdasqan qylmystyq top bir táýlik ishin­de osy aýdandaǵy Ja­maýov, Aq­baev, Aqjelken kóshe­lerindegi jeke turǵyn úılerdi tonap, turǵyndardyń dúnıe-múlkine zııan keltirgen.

«Kóshe shamdarynyń joq­tyǵynan jol boıyndaǵy dúken aldynda maskúnemderdiń de qa­rasy kóbeıe túsken. Kishkentaı balalarymyzdy dúkenge ne syrt­qa shyǵarýǵa qorqatyn boldyq», deıdi aýdan turǵyny Aıymgúl apa.

Iá, shynymen de atalǵan aýdan megapolıs ákimdigi or­nalasqan Nursát shaǵyn aýdanyna tıip turǵanymen mun­daǵy ınfraqurylym men kom­mýnaldyq qyzmet sapasy syn kótermeıdi. Turǵyndardyń só­zine súıensek, aýdandaǵy qo­ǵamdyq kólik qyzmetiniń sapasy da óte tómen. Tańǵy jáne kesh­ki ýaqyttarda eski qytaı avto­býstarynyń qatynaý jıiligi 30-40 mınýt, tipti saǵatqa sozylady eken. Jumysynan keshigip qalmaýǵa tyrysqan jurtshylyq kóbine taksı qyzmetine júginýge májbúr.

Aýdan turǵyndary aryz-sha­ǵymyn jergilikti aýdan ákim­digine jetkizgen. Alaıda áli  naq­ty sheshim joq.

Byltyr sáýir aıynda shahar basshysy Murat Áıtenov Qaıt­pas 1 shaǵyn aýdanyn aralaý ba­rysynda turǵyndar sapasy tómen jekemenshik jaryq júıe­sine shaǵymdanǵan edi. Budan bólek qaıtpastyqtar jol, aýyz sý, gaz, qoǵamdyq kólik máselesi de ózekti ekenin aıtqan. О́z keze­ginde Murat Dúısenbekuly tur­ǵyndar kótergen máseleler kezeń-kezeńimen sheshiletinin jetkizgen.

«Sizderdiń qýaty álsiz jeke­menshik elektr energııasyn tu­tynyp otyrǵandaryńyzdan habardarmyn. Kezinde osyndaǵy 416 úıge jaryq júıesi jetpeı qalǵan eken. Sony eskerip, qýat júıesin júrgizýge baıqaý ótkizip, merdiger mekemeni anyqtadyq. Jýyrda olar jumysyn bastaıdy. Qurylys jumystaryn kúzge deıin bitirýge áreket jasaımyz. Sonda sizderde sapaly ener­gııa bolady. Al sý, gaz tartý má­se­le­sine kelsek, jýyrda joba­lyq-smetasyn jasaımyz. Bıyl jumystardy bastaýǵa tyrysamyz», degen edi qala ákimi.              

Alaıda jyl ótse de aýdan­daǵy jaryqtandyrý jumystary jabýly qazan kúıinde qalyp otyr. Amaly taýsylǵan tur­ǵyndar óz úıleriniń tusyna óz kúsh­terimen jaryq shamdar or­natýǵa kóshken...

ShYMKENT