Arnaıy onlaın-servıs iske qosyldy

Servıs barlyq qyzyǵýshylyq tanytqan tulǵaǵa negizgi qa­zaqstandyq telearnalardyń aýdı­torııalyq kórsetkishterimen tike­leı rejimde tanysýǵa múmkindik beredi.

Onlaın-servıs ınternet jeli­siniń barlyq paıdalanýshysyna mınıstrliktiń resmı saı­tyndaǵy myna mekenjaı bo­ıynsha qoljetimdi: https://www.gov.kz/memleket/entities/inf/page/top10frame?lang=kk

Kórsetkishterdi MediaHills kom­panııasy TNS Central Asia («Kantar») kompanııasynyń tele­ólsheý panelinde ID TV-den bólek basqa da TV-operator­lar­dyń jelisinde telearnalardyń aýdı­to­rııasyn anyqtaýdyń dına­mıkalyq júıe­sin paıdalana otyryp óńdedi.

Atalǵan onlaın-servıs TNS Central Asia (Kantar) jáne MediaHills zertteý kompanııa­lary­nyń strategııalyq serik­tes­tiginiń, sondaı-aq mınıstrliktiń me­dıaólsheýler júıesin damy­tý jónindegi jumys toby­nyń saraptamalyq jumysynyń nátı­je­sinde iske qosyldy.

Mınıstrliktiń saıtynda usy­­nylǵan aýdıtorııalyq kórset­kishter Qazaqstannyń 21 qala­syndaǵy (Aqtaý, Aqtóbe, Almaty, Aty­raý, Qaraǵandy, Kókshetaý, Qos­tanaı, Qyzylorda, Nur-Sul­tan, Pavlodar, Petropavl, Rýd­nyı, Semeı, Taldyqorǵan, Taraz, Temirtaý, Túrkistan, Oral, О́skemen, Shymkent, Eki­bas­tuz) 400 myńnan astam úı sharýa­shylyǵy boıynsha qalyptasady.

Qazirgi ýaqytta servıste te­le­arnalar úlesi jóninde (talda­nyp jatqan ýaqyt araly­ǵynda kez kelgen taldanyp jat­qan respýblıkalyq telear­nany qa­raǵan barlyq telekó­rer­mennen paıyzdyq tulǵa­laý­daǵy telearna kórermenderiniń sany), ár mınýt saıyn qamtý (mınýtyna bir ret bolsyn telearnany qaraǵan telekórermender sany) jáne telebaǵdarlamalardy qamtý (naqty bir telebaǵdarlamany qaraǵan biregeı telekórermender sany) kórsetkishteri qoljetimdi.

Servısti iske qosý tele­kó­rermenniń talabyna jedel túrde jaýap berýge múmkindik beredi, sondaı-aq qazaqstandyq teledıdar kontentiniń básekelestigin odan ári arttyrýǵa jol ashady dep kútilýde.