Túrkııada 7 mamyrdan bastap elde koronavırýstyń órshýine baılanysty karantın talaptary qatańdatylady. Bul týraly eldiń ishki ister mınıstrligindegiler málimdedi, dep habarlaıdy Egemen.kz.
«7 mamyrdan bastap dúkenderde, sonyń ishinde jelilik sýpermarketterde tek negizgi azyq-túlik, gıgıena quraldary, janýarlarǵa arnalǵan tamaq jáne kosmetıkalyq quraldar (parfıýmerııa men makııajǵa arnalǵan quraldardan basqa) satýǵa ruqsat etiledi», delingen vedomstvonyń habarlamasynda.
Elde alkogol, elektronıka, oıynshyqtar, kanselıarııa jáne kıim satýǵa tyıym salynady.
Aıta keteıik, qoldanystaǵy shekteýlerge sáıkes, Túrkııa turǵyndary 29 sáýirden 17 mamyrǵa deıin negizgi azyq-túlik satyp alý jáne jedel medısınalyq kómek sııaqty keıbir erekshelikterdi qospaǵanda, úıden shyqpaýy kerek.