Qyzylordada oblys ákimi Gúlshara Ábdiqalyqovanyń qatysýymen 7 mamyr – Otan qorǵaýshy kúnine oraı saltanatty jıyn ótti, dep habarlaıdy Egemen.kz.
Jıynda aımaq basshysy óńirdegi Qarýly Kúshter, qorǵanys isteri salasynyń áskerı azamattaryna «Alǵys hat» tabystady.
«Otan qorǵaý – kún saıynǵy erlik ekenin eskeretin bolsaq, qorǵaýshylarymyzdyń arqasynda bıyl Táýelsizdigimizdiń 30 jyldyǵyn atap ótemiz. Osyǵan oraı, egemendi elimizdiń otyn sóndirmeı, qorǵanys júıesin bekem ustaýda jyldar boıy óz úlesin qosyp kelgen azamattarymyzdy marapattaıtyn bolamyz», dedi oblys ákimi Gúlshara Ábdiqalyqova.
«Jumyldyrý jáne shuǵyl jumystar ortalyǵy» kommýnaldyq memlekettik mekeme basshysynyń orynbasary Baýyrjan Sadyqov, Qyzylorda oblysynyń aýmaqtyq qorǵanys brıgadasynyń 99215 áskerı bóliminiń komandıri Kerimbaı Oıyqbaev, oblystyq qorǵanys isteri jónindegi departamentiniń Jańaqorǵan aýdandyq bólimi jasaqtaý bólimshesiniń bastyǵy Jasulan Shanqulov, QR Ulttyq qaýipsizdik komıteti Shekara qyzmetiniń Qyzylorda oblysy boıynsha departamentiniń bólim bastyǵy, maıor Nurbek Ábdiraqynov, QR Qorǵanys mınıstrliginiń 66597 áskerı bóliminiń efreıtory Shapaǵat Bolatov, QR Ulttyq ulanynyń 5547 áskerı bóliminiń batalon komandıri, maıor Jasulan Berkenov bar.
Jıyn sońynda Qyzylorda oblysynyń Qorǵanys isteri jónindegi departamentiniń bastyǵy, polkovnık Aıdyn Saǵyndyqov kórsetilgen qurmetke alǵysyn jetkizip, merekemen quttyqtady.