Elimiz boıynsha mektepterdegi karantın talaptarynyń saqtalýyna monıtorıng júrgizý jalǵasýda. 1-29 sáýir aralyǵynda 1688 tekseris júrgizildi, dep habarlaıdy Egemen.kz.
Bilim berý mekmelerinde oryn alǵan karantın rejımi talaptarynyń negizgi zań buzýshylyqtary retinde kelesi faktorlardy atap ótýge bolady: birqatar mektepterde betperdelik rejım saqtalmaǵan, araqashyqtyq belgileri qoıylmaǵan, bólmelerge ylǵaldy tazalaý jáne zalalsyzdandyrý júrgizý kestesi buzylǵan, synyptardaǵy partalar arasyndaǵy qashyqtyq saqtalmaǵan. Sondaı-aq bakterısıdtik shamdardyń, sanıtaızerler men zalalsyzdandyrý quraldarynyń jetkiliksizdigi anyqtalǵan.Aǵymdaǵy jylǵy 23-29 sáýir aralyǵynda monıtorıngtik toptar 643 mektepke tekserý júrgizdi. Karantın talaptaryn buzýshylyq 139 mektepte anyqtaldy, ıaǵnı 21,6%-i karantın rejımi tártibin buza otyryp jumys jasaǵan.Maska rejımin buzý faktileri 27 mektepte anyqtaldy, 19 mektepte tańerteńgi súzgi júrgizý tártibi buzylǵan, 6 mektepte áleýmettik araqashyqtyq belgileri joq, 29 mektep tolyq kólemde sanıtaızerlermen qamtamasyz etilmegen, 34 mektepte ylǵaldy tazalaý jáne dezınfeksııa júrgizilmegen.Zań buzýshylyqtar sany boıynsha joǵary kórsetkisher kelesi aımaqtarda oryn aldy:
Qaraǵandy oblysynda – 25 buzýshylyq;
Qyzylorda oblysynda – 21;
Túrkistan oblysynda – 17.Anyqtalǵan barlyq karantındik, sanıtarııalyq-gıgıenalyq talaptardy buzýshylyqtar boıynsha QR ÁQBtK-niń 425-babyna sáıkes 312 tulǵaǵa jalpy kólemi 28 876 184 teńge ákimshilik aıyppul salyndy.
Mektepterde túsindirme jumystary júrgizildi.