Jyl ótken saıyn Uly Otan soǵysy ardagerleriniń qatary sırep keledi.
Keshegi kúnniń tiri kýágeri, ótken shaqtyń shynaıy shejiresi bolǵan azamattardyń júrip ótken joly jastardyń boıynda otansúıgishtik qasıetti qalyptastyrýda da aıtarlyqtaı mańyzǵa ıe. Búgingi tańda Taraz qalasynda 20 maıdanger bar. Qazynaly qarttarǵa qandaı qurmet kórsetilse de jarasymdy.
Bıyl Uly Jeńistiń 76 jyldyǵy. Qanqasap qyrǵynda týǵan jerin qyzǵyshtaı qorǵaǵan ardagerlerdiń qurmetine, uly mereke qarsańynda qala kóleminde birqatar is-sharalar uıymdastyrylýda. Uly Jeńis merekesine oraı, Taraz qalasy ákimdigi ishki saıasat bólimine qarasty «Jastar resýrstyq ortalyǵy» mekemesiniń uıymdastyrýymen «Ardagerlerdi ardaqtaıyq» atty aksııa uıymdastyryldy. Aksııa barysynda «Temirqazyq» jáne «Jalyn» volonterlyq qozǵalysynyń eriktileri Uly Otan soǵysy ardagerleriniń turǵylyqty meken-jaılaryna baryp, olardyń úı-jaıyn jınastyrý, ákteý, jer qoparý, aýlalaryn qoqystan tazartý jumystaryn atqardy. Qart maıdangerler de jastarǵa aq batasyn berip, endi soǵys atty zobalańnyń qaıtalanbaýyn tiledi.
Jambyl oblysy