Shyǵys Qazaqstan oblysy Rıdder orman sharýashylyǵynda shyqqan tilsiz jaý tolyqtaı aýyzdyqtaldy, dep habarlaıdy Egemen.kz.
ShQO Tótenshe jaǵdaılar departamenti baspasóz qyzmetiniń málimetine súıensek, 12 mamyr saǵat 14.30-daǵy jaǵdaı boıynsha, jalpy aýdany 272,4 gektardy sharpyǵan dala órti óshirildi.
«Qyzyl jalyn osydan eki kún buryn saǵat 13.55-te Rıdder orman sharýashylyǵynda shyqqan bolatyn. Ekpini sekýndyna 20 metrge deıin jetken jeldiń saldarynan órtti sóndirý qıynǵa soqty. Tilsiz jaýmen kúreske jeke quramnan 493 adam, 69 tehnıka jáne 2 tikushaq jumyldyryldy», dep habarlady vedomstvo ókilderi.
Aıta keteıik, 10 mamyrda Shyǵys Qazaqstandaǵy Rıdder orman sharýashylyǵynda alapat órt shyqty. О́rtten 1 adam qaza taýyp, taǵy ekeýi jaraqattandy. Osy oraıda Prezıdent Úkimet pen Shyǵys Qazaqstan oblysynyń ákimdigi tilsiz jaýdan zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.
Al 11 mamyr kúni saǵat 18:20-da órttiń taralýy toqtatyldy. Qala ákimdiginde qurylǵan komıssııa turǵyn úılerge qatysty materıaldyq shyǵyndy anyqtaýǵa kiristi.