Mysyr men Týnıste top jardy

Qazaqstan tennıs federasııasynyń málimeti boıynsha, Aınıtdınova Belarýs ókili Anna Kýbarevamen birge Týnıstegi jarysta úzdik shyqty. Qazaqstandyq-bela­rýstyq jup fınalda osy dodanyń birinshi raketkalary, ulybrıtanııalyq Sara Bet Greı men amerıkalyq Dasha Ivanovadan 7:5, 6:2 esebimen aılasyn asyrdy. Bul – G.Aınıtdınovanyń ITF týrnırlerindegi altyn­shy jeńisi. Sonyń ekeýinde jekeleı, tórteýinde juptyq synda chempıon atandy.

Al Jibek Qulambaeva rýmynııalyq Oana Gavrılamen birge Mysyr astanasy – Kaırde ótken halyqaralyq jarystyń bas júldesin oljalady. Fınaldyq básekede mysyrlyq Iаsmın Ezzat – amerıkalyq Klervı Ngonoý­nımen baq synaǵan Qulambaeva men Gav­rıla qarsylastaryna esh múmkindik qaldyr­maı, 6:4, 6:0 esebimen basym tústi. Bul – J.Qu­lam­baevanyń ITF dodalaryndaǵy toǵy­zynshy tıtýly. Sonyń segizinde ol jup­tyq synda, bireýinde jekeleı saıysta jeńiske jetken.