Bul týraly óńirlik kommýnıkasııalar ortalyǵynda ótken baspasóz máslıhatynda Qyzylorda oblysy kásipkerler palatasy dırektorynyń orynbasary Pirmuhammed Syzdyqov aıtty, dep habarlaıdy Egemen.kz.
12 mamyrdaǵy aqparat boıynsha 66 kásipkerlik nysan QR kod alyp, joba aıasynda jumys jasaýda. Olardyń 43-i qoǵamdyq tamaqtaný qyzmeti, 11-i kompıýterlik klýb, 2-eýi bılıard, 2-ýi fıtnes ortalyǵy, 2-eýi basseın, 2-eýi spa-ortalyǵy, 2 kınoteatr, 1 boýlıng ortalyǵy, 1 saýna. Jobaǵa qatysýshylardyń 61-i Qyzylorda qalasynyń kásipkerleri. Al 3-eýi Shıeli aýdanynyń, 1-eýi Qazalynyń, 1-eýi Aral aýdanynyń kásipkerleri», dedi Pirmuhammed Syzdyqov.
Baspasóz máslıhatynda oblystyq sanıtarııalyq-epıdemıologııalyq baqylaý departamenti basshysynyń orynbasary Ulbosyn Ahanaeva «Ashyq» jobasy engizilgennen beri Qyzylorda qalasynda kásipkerlik nysanǵa kirmek bolǵan «qyzyl» jáne «sary» statýstaǵy 6 adam anyqtalǵandyǵyn jetkizdi. Olardyń 1-eýi naqty naýqas, vırýs anyqtalǵan «qyzyl» statýstaǵy azamat bolsa, 5-eýi aýyrǵan azamattarmen qarym-qatynasta bolǵan «sary» statýstaǵy adamdar.
Aıta ketý kerek, «Ashyq» – qoǵamdyq oryndarda kelýshilerdi tirkeý qosymshasy. Qoǵamdyq orynǵa kireberiste paıdalanýshy arnaıy QR-kodty skanerlep, ony ákimshige kórsetedi. Kod kelýshiniń statýsyn anyqtaıdy. Kelýshilerge statýs PTR zertteýleriniń biryńǵaı ıntegrasııalyq portaly jáne Densaýlyq saqtaý mınıstrligi janyndaǵy Sovid-19-ti baqylaý ortalyǵy aqparattyq júıelerin salystyrý negizinde taǵaıyndalady.
«Qyzyl» tús eger adam PTR-testin tapsyryp, oń nátıje shyqsa beriledi. Osy statýstyń ıesine úıde oqshaýlaný rejımin qatań ustaný kerek.
«Sary» tús naýqas adammen baılanysta bolǵan adamdarǵa beriledi. Olarǵa azyq-túlik nemese úı janyndaǵy dárihanaǵa barýǵa ruqsat etiledi, biraq basqa nysandarǵa barýǵa tyıym salynady.
«Kók» tús PTR-testileý tapsyrý mindetti oryndardan (mysaly, áýejaı) basqa barlyq jerge barý ruqsat.
«Jasyl» tús – júrip-turýǵa tolyǵymen ruqsat beriledi degen sóz.
QR-kod bıznes sýbektilerine ǵana beriledi. Ol sýbekt ataýy, onyń ornalasqan jeri jáne basqa da sáıkestendirý derekterin kórsetýmen elektrondy ıdentıfıkatordy bildiredi. 1 nysanǵa kireberiste jáne shyǵa beriste eń kemi 2 QR -kod beriledi. Eger nysanda birneshe kirip-shyǵý joly bolsa, onda ár kireberiske jeke QR -kod beriledi.