Qorqynyshty seıiltý quraly

Bos mek­tepter men qańyraǵan ǵımarattardy qospaǵanda, bos turǵan oıyn alańdary, terbelmegen altybaqan, aınal­maǵan átkenshek janyńdy qulazytatyn kórinis­ter edi. Bul ómirdiń máni – sábılerdiń shat kúlkisi, mek­tepke asyqqan balalardyń qozǵalysy eken ǵoı! Mynaý álem adamdarmen, kósheler balalarmen kó­rik­ti ekenin bizge byltyrǵy karantındegi kúnder uǵyn­dyrdy.

О́tken jyldyń dál osy aılarynda aptanyń 2 kú­nin­de ǵana qysqartylǵan ju­mysqa baratynmyn. Onda da jumysym úıimnen 100 metr­lik jerde ǵa­na. Úıim men jumysymnyń ara­syn­daǵy daladaǵy múlgigen ty­nyshtyq meni qatty shoshyta­tyn. О́ıtkeni kóktem kelgende barlyq tirshilik jandanyp, adamdar daladan úıge kir­meıtin kez ǵoı. Al 2020 jyl­dyń kóktemi bárimizdi úıimizge qamaǵanymen, tabı­ǵat­tyń býsanýyn kóre al­ma­ǵanymyzben este qaldy. Son­daı kúnderdiń birinde kesh arasy kenetten 3 jasar qyzymnyń qyzýy kóterildi. Sol kezdegi ha­limdi aıtyp jetkize almaımyn. Ákesi ekeý­miz janarymyz jasqa tolyp, ún-túnsiz ǵana tildestik. Ár 15 mınýt saıyn qyzýyn ól­shesem, bergen dárim áser etpeı, dene qyzýy aspandap bara jatty. Naýryzdan beri úıden shyqpaǵan balapanyma qaıdan, qalaı keldi degen suraq jumysqa baratyn ózimdi «tasymaldaýshy» retinde kórsetti. О́zimdi jek kóre basta­dym. Qanshama saqtyq sharalardy jasap otyrsaq ta, dene qy­zýynyń sha­ryqtaı berýi meni osy oıǵa ákep tireı berdi. Úreı men qorqynyshty jeńip jedel-jár­dem shaqyrdyq. Shy­damadym, qyzymdy ba­ýy­ryma qysyp bar daýsym­men jyladym. Egilip Al­ladan medet suradym. Eń qor­qy­nysh­tysy, bul dertke qarsy turar vaksınanyń joq­tyǵy edi. Jaqyndarynan aıyrylǵan jan­dardyń jan kúıin men sol sátte túsindim.

Abyroı bolǵanda qyzym­nyń densaýlyǵy kinaratsyz bo­lyp shyqty. PTR test kórsetkishi de taza boldy. Sol sát­ten bastap, álem úshin vak­sı­nanyń tabylýyn ti­le­dim. Sol sátten bastap adam­­zatty bul tajaldan qut­qa­rar tek vak­sına ekenin uq­tym.

Ǵylym men tehnıkanyń da­my­ǵan zamanynda ómir súrip jat­­qa­nymyz qandaı ba­qyt de­seńiz­shi?! Mundaı juq­paly dert­terdiń adamzat tarı­hynda talaıy bolǵanyn, sol dertterdiń emi tabylmaı adam­dar jyldar boıy zardap shekkenin, tipti ult arys­ta­rynyń da aýyr naýqaspen kóz jumǵanyn barlyǵymyz der­lik bilemiz. Al biz she? Bir jyl ýaqyt ótpeı-aq bul dert­tiń de vaksınasy jasaldy. Jaqy­ny­myzǵa janashyr bo­lýǵa, tý­ǵan­­darymyzdy saq­­taýǵa, ótken jylǵy qate­lik­ti qaıtalamaýǵa, qor­qyny­shy­myzdy seıiltýge múm­­kin­dik týdy. «Jasasyn, álem! Ja­sasyn, ǵylym!» degendi osyndaıda aıtqan durys. En­deshe, alyp­qashpa áńgimege senip, jal­ǵan málimetti ońdy-sol­dy ta­rat­­paı vırýstan saq­tanýdyń tóte joly – vaksına saldyrýǵa asy­ǵaıyq, aǵaıyn.

Ásemgúl OSPANOVA,

Qaztutynýodaǵynyń Joǵary kolledji oqytýshysy