Almaty polısııasy urlanǵan múliktiń jeti iri satyp alýshysyn ustady, dep habarlaıdy Polisia.kz.
«О́tken jyly departamentte arnaıy tergeý-jedel toptary qurylyp, urlyqtardy ashýmen aınalysty. Urlanǵan zattar satylatyn saýda úılerinde jáne qalanyń bazarlarynda is-sharalar júrgizildi. Osy jumystyń nátıjesinde urlanǵan múlikti satyp alyp otyrǵan jeti adam qylmystyq jaýapkershilikke tartyldy. Urlanǵan qundy zattardyń kóp mólsheri tárkilenip onyń ishinde 800 uıaly telefon, 100 noýtbýk ıelerine qaıtaryldy», dedi Almaty qalalyq PD bastyǵy Qanat Taımerdenov.
Sonymen qatar departament basshysynyń aıtýynsha, urlyqtyń aldyn alý úshin de birqatar is-sharalar júrgizilýde.
«Qalalyq mobıldilik basqarmasymen birge qaladaǵy barlyq qoǵamdyq kólikterge baqylaý kameralary ornatyldy. Tórt aı ishinde qalta urlyǵy úsh esege azaıdy. Urlyqtyń aldyn alýdaǵy tıimdi sharalardyń biri – dabyldy jáne baqylaý kameralaryn ornatý. Halyq arasynda júrgizilgen túsindirý jumystarynyń nátıjesinde turǵyndar úılerine dabyl qaǵý men baqylaý kameralaryn belsendi túrde ornata bastady. Bul urlyqtardyń jalpy qylmys sanyndaǵy úlesin 70%-dan 40%-ǵa deıin tómendetýge jáne ashylý deńgeıin jaqsartýǵa múmkindik berdi», dedi Q. Taımerdenov.