29 mamyrda «Chelsı» men «Manchester Sıtı» arasyndaǵy Chempıondar lıgasynyń fınaly Portýgalııada ótetin boldy, dep habarlaıdy Egemen.kz VVS-ge silteme jasap.
Fınal Ystambuldaǵy Atatúrik Olımpıada stadıonynda ótýi kerek edi. Koronavırýs ınfeksııasyn juqtyrý kórsetkishin azaıtý maqsatyndaǵy shekteýlerge baılanysty oıyn Túrkııadan Portýgalııanyń Portý qalasyna aýystyryldy.
Portýgalııa Anglııanyń «jasyl» tizimine engen, al Túrkııa «qyzyl» tizimde. Oıyn ótetin eldiń ózgerýine osy jaǵdaı sebep bolsa kerek.
Sonymen Portýgalııada ótetin oıyndy qos klýbtan kelgen 12 000 jankúıer alańnan tamashalaı alady.
«Bul matchty jankúıerlersiz ótkizý múmkin emes edi. Sondyqtan men osyndaı múmkindik tabylǵanyna qýanyshtymyn», deıdi ÝEFA prezıdenti Aleksandr Seferın.
Aıta keteıik, aldaǵy ýaqytta koronavırýs ınfeksııasynyń taralý deńgeıine baılanysty túrli ózgerister bolýy da ǵajap emes.