Kóktemgi-jazǵy órt qaýpi kezeńinde órttiń aldyn alý jáne boldyrmaý maqsatynda elordalyq Tótenshe jaǵdaılar departamentiniń qyzmetkerleri turǵyndar arasynda reıdtik tekserýler men profılaktıkalyq, túsindirý jumystaryn júrgizedi, dep habarlaıdy qala ákimdiginiń resmı saıty.
Kóktemgi-jazǵy órt qaýpi kezeńiniń bastalysymen departamenttiń 12 órt sóndirý bólimi, jeke quramnyń 1700 adamy, negizgi, arnaıy jáne qosalqy tehnıkanyń 150 birligi órttiń aldyn alý jáne joıý maqsatynda daıyn tur.
Sonymen qatar órt sóndirý qyzmeti kóktemgi órt gıdranttaryn tekserýdi tolyq qarqynmen júrgizýde, bul Nur-Sultan qalasynyń aýmaǵynda órtti ýaqytyly sóndirýdi qamtamasyz etýge múmkindik beredi.
Azamattyq qorǵaý organdarynyń birinshi kezektegi mindeti tótenshe jaǵdaılardyń aldyn alý bolyp sanalady, osyǵan baılanysty "О́rttiń aldyn alý ońaı!" atty Nur-Sultan qalasy Tótenshe jaǵdaılar departamentimen osy jyldyń sáýir aıynan bastap jeke aýlalarda keń aýqymda jumys júrgizilýde. Onda ár demalys saıyn azamattyq qorǵaý organdarynyń qyzmetkerleri jergilikti polısııa qyzmetimen, volonterlermen, ákimdik qyzmetkerlerimen birlesip, azamattarǵa úı janyndaǵy ýchaskelerdi jınaý kezinde órt qaýipsizdigi qaǵıdalaryn jáne qurǵaq ósimdikterdi órteýge tyıym salýdy, elektr jelilerin úılerde jaramdy kúıde ustaýdy túsindire otyryp, reıdtik aralaý júrgizedi. Osyǵan uqsas jumys 1 mamyrdan bastap elordanyń saıajaı alqaptarynda da bastalýda. Ol qaýipti kezeń boıy júrgiziletin bolady.
Orman sharýashylyǵy mekemelerimen jasyl beldeýdi jáne irgeles eldi mekenderdi patrýldeý boıynsha júrgizilip jatqan birlesken jumysty da nazardan tys qaldyrmaımyz. Bul dereý den qoıýǵa jáne órtti sóndirý boıynsha jumysty jedel júrgizýge múmkindik beredi.
Qutqarýshylar qýraǵan shópterdi ýaqytyly jınaý jáne shabý, saıajaı qoǵamdarynda jyrtý, óndiristik nysandardyń aınalasynda órttiń taralý jáne onyń paıda bolý qaýpin azaıtatynyn eske salady.
О́rt pen onyń aldyn alý maqsatynda árbir azamat myna qaǵıdalardy este saqtaýy qajet:
О́z ýchaskesiniń aınalasynda ótken jyldan qalǵan qurǵaq shópti órteýge bolmaıdy;
Qaldyqtar men ydystardy órteýdi ǵımarattar men qurylystardan keminde 50 m qashyqtyqta júzege asyrý qajet;
Qaldyqtar men ydystardy órteýdi arnaıy bólingen oryndarda jáne qyzmet kórsetýshi personaldyń baqylaýymen júrgizý qajet;
Janyp turǵan sirińke men temeki tuqylyn jerge laqtyrmańyz;
Ár turǵyn úıdiń janyna sý ydysyn ornatyńyz (saıajaı qoǵamdary, jeke turǵyn úıler);
Balalarǵa órt qaýpi bar zattarmen oınaýǵa ruqsat bermeńiz.