Elimizde 8 myńnan astam temirjolshy koronavırýsqa qarsy vaksına aldy, dep habarlaıdy Egemen.kz.
Ulttyq kompanııanyń málimetinshe, 13 mamyrdaǵy jaǵdaı boıynsha «QTJ» UK» AQ-da segiz myńnan astam qyzmetker COVID-19-ǵa qarsy ekpe alǵan.
«Ekpe qabyldaý qarqyny boıynsha «QTJ-Júk tasymaly» JShS qyzmetkerleri aldyńǵy qatarda, ol mekemede 3 800-den astam jumysshy vaksına aldy. Magıstraldyq jeli dıreksııasynda 2,5 myńnan astam adam, «Jolaýshylar tasymaly» AQ 600-ge jýyq qyzmetker vaksınasııadan ótti», delingen habarlamada.
Eń belsendi vaksınasııalaý kompanııanyń Aqtóbe oblysy, Nur-Sultan jáne Shymkent qalasyndaǵy mekemelerinde júrgizilip jatyr. Osy aımaqtardaǵy ulttyq kompanııa qurylymdyq bólimshelerinde jumys isteıtin myńnan astam temirjolshy vaksınanyń kem degende bir dozasyn alǵan.