Balqash qalasynyń gúlzarlarynda gúl kóshetteri otyrǵyzyla bastady. Jaqyn arada qala 200 myń gúlmen bezendiriledi, dep habarlaıdy Egemen.kz
Kógaldandyrýmen «Zelenstroı» qyzmetkerleri aınalysady. Olar ósimdikterdi tyńaıtyp, sýaratyn bolady. Kún saıyn qalany bezendirý boıynsha 15 adam jumys isteıdi.
«Gúl otyrǵyzbas buryn, topyraq qopsytylyp, tegisteledi. Sonan soń aryqtar jasap, topyraq tógemiz. Biz ósimdikterge de jaýap beremiz. Aptasyna úsh ret sý tasýshy kelip, gúlderdi sýaratyn bolady», dedi «Zelenstroı» JShS brıgadıri Alpysbaı Saǵyndyqov.
Balqashtyń gúlmen bezendirilýi ákimdik janyndaǵy gúlzarlardan bastaldy. Sodan keıin marıgoldtar men petýnıalar Táýelsizdik alańyn, Aǵybaı batyr kóshesin jáne Ortalyq saıabaqtaǵy jaǵalaýdy bezendiredi.