Almaty qalasynda órtenip jatqan ǵımarattan jeti adam qutqaryldy, dep habarlaıdy Egemen.kz qalalyq TJD silteme jasap.
Tótenshe jaǵdaılar departamentiniń málimetinshe, 16 mamyr kúni tańǵy saǵat 05:52-de «Qarasý» shaǵynaýdanynda órt shyqqany týraly habar kelip tústi. TJD kúshteri oqıǵa ornyna birden jiberildi.О́rt shyqqan jerge barǵan kezde úsh qabatty ǵımarattyń jertólesi janyp jatqany anyqtaldy.
О́rt qaýipsizdigi erejeleriniń talaptaryn buzyp, ǵımaratqa tyǵyz bekitilgen shatyr astynda aǵash, karton qoraptary jáne shkaf jıhazdarynyń basqa elementteri saqtalǵan.
О́rttiń tez taralýyna jertóledegi jıhaz sheberhanasynda órt júktemesi yqpal etken. Úı-jaılarda qoıý tútin paıda bolyp, evakýasııa joldaryn jaýyp tastaǵan. Jalyn búkil ǵımaratty sharpydy.
Gaz jáne tútinnen qorǵaý qyzmeti barlaý jáne sóndirý kezinde órt satysy arqyly shatyrdan alty adamdy qutqardy. Altynshy adamdy órt sóndirýshiler tútin sharpyǵan eń alys bólmede uıyqtap jatqan jerinen oıatyp alǵan.
«О́rt shyqqan jerge birinshi bolyp sol mańnan ótip bara jatqan Almaty qalasy TJD qyzmetkeri jetti. Qyzmetten tys ýaqytyna qaramastan Aleksandr Chıstıakov adamdardy qutqarýǵa kiristi. Birinshi órt sóndirý bólimsheleri kelgenge deıin, ol taǵy úsh kýágermen birge jertóle terezesindegi temir tordy alyp, er adamnyń syrtqa shyǵýyna kómektesti, sodan keıin olar tehnıka ótýine kedergi keltirip turǵan mashınalardy evakýasııalady. Qutqarylǵan jeti adamǵa da jedel túrde QR TJM Apattar medısınasy ortalyǵynyń brıgadasy medısınalyq-psıhologııalyq kómek kórsetti», dedi Almaty qalasy Tótenshe jaǵdaılar departamentinen.
Qyzyl jalyndy aýyzdyqtaýǵa jeke quramnan 41 adam, 12 tehnıka jumyldyryldy. О́rttiń aldyn ala sebebi – elektr symdarynyń tuıyqtalýy. О́rt qaýipsizdigi erejelerin óreskel buzǵany úshin ǵımarat ıesi QRÁQBtK 410-babyna sáıkes ákimshilik jaýapqa tartyldy.