Shyǵys Qazaqstanda órshigen indet sál báseńdegen kórinedi. Sońǵy táýlikte oblysta koronovırýs ınfeksııasy 74 adamnan ǵana anyqtaldy. Árıne, az kórsetkish emes. Biraq «jasyl» aımaqqa ótýge negiz bar degen sheshimge keldi mamandar.
О́ńir «jasyl» aımaqqa ótkenimen, bas sanıtarlyq dárigerdiń qaýlysy áli shyǵa qoıǵan joq. Sondyqtan da shekteý sharalary burynǵydaı saqtalady. Tipti, jaǵdaı ońala qoımasa jaǵajaılarda da medısınalyq betperde kııýge týra keledi.
Esterińizge qaıta bir sala ketsek, oblystyq bas memlekettik sanıtarlyq dárigeriniń 15 sáýirdegi qaýlysyna sáıkes, halyq qoǵamdyq oryndarda, onyń ishinde aıaldamalarda medısınalyq nemese mata maskalaryn mindetti túrde taǵýy kerek. Jaǵajaı qoǵamdyq oryn bolǵandyqtan, ol jerde de medısınalyq betperde kııý mindetti.
Shyǵys Qazaqstan oblysynyń sanıtarlyq-epıdemıologııalyq baqylaý departamenti mamandarynyń habarlaýynsha, áleýmettik qashyqtyqty saqtaǵan jaǵdaıda medısınalyq maskasyz shomylýǵa ruqsat etiledi. Shekteý sharalaryn buzý faktileri anyqtalsa, ákimshilik shara qoldanylady.