Koronavırýstyń taralýyna jol bermeý jónindegi vedomstvoaralyq komıssııa álem elderindegi epıdemııalyq ahýalǵa qatysty málimetter jarııalady, dep habarlaıdy Egemen.kz.
Túrkııa úsh aptaǵa sozylǵan qatań lokdaýndy jeńildetip, birqatar karantındik shekteýlerdi alyp tastady. El turǵyndaryna qaıtadan kúndizgi ýaqytta úılerinen shyǵýǵa ruqsat etiledi. Alaıda saǵat 21.00-den bastap komendanttyq saǵat jumys isteıdi. Kafeler men meıramhanalarǵa barýǵa áli de ruqsat joq, degenmen taǵamdy jetkizý qyzmeti jumys jasaıdy. Saýda ortalyqtary men kıim dúkenderi jumysyn qaıta bastaıdy. Túrkııada mektepterdi ashý máselesi áli sheshilgen joq.Estonııada 17 mamyrda 16 jastan bastap halyqty jappaı vaksınasııalaý bastaldy. Bul elde Germanııa jáne basqa da memleketterdegi sııaqty belgili bir sanattarǵa jasy men mamandyǵy boıynsha basymdyqtar kózdelmegen, kez kelgen adam vaksına saldyra alady. BioNTech/Pfizer, Moderna jáne Johnson & Johnson vaksınalary 50 jasqa deıingi naýqastarǵa egý úshin qoldanylady. Estonııanyń qalǵan turǵyndaryna AstraZeneca preparaty salynady.
Fransııada koronavırýstyq ınfeksııa boıynsha jańa jaǵdaılardyń kúndelikti ósimi jáne odan kóz jumý derekteriniń sany azaıdy. Pandemııa bastalǵannan beri Fransııada 5 877 787 adam koronavırýs juqtyrdy, osy ýaqyt ishinde eldiń 107 616 turǵyny Sovid-19 dıagnozymen qaıtys boldy. Qazirgi ýaqytta Fransııadaǵy qarqyndy terapııa palatalarynda 4255 adam bar.Ulybrıtanııa bıligi pandemııamen kúresýge baǵyttalǵan shekteýlerdi jeńildetýde. Birikken Koroldiktiń turǵyndaryna alty adamǵa deıingi toptarmen jabyq úı-jaılarda kezdesýge ruqsat berildi. Meıramhanalar men pabtar, murajaılar, kınoteatrlar men sport zaldary jumysyn qaıta bastaıdy.Portýgalııa elge EO-nyń basqa elderinen kelgen saıahatshylar úshin karantındik shekteýlerdi jeńildetedi. Naqty aıtqanda, bul sońǵy eki aptada jańa ınfeksııalar sany 100 000 turǵynǵa shaqqanda 500 jaǵdaıdan aspaǵan Eýroodaq elderine qatysty bolady. Bul elderden kelgen qonaqtar koronavırýsqa qarsy testileýdiń teris nátıjeli anyqtamasy bolsa, Portýgalııaǵa esh kedergisiz kire alady.