«Batys» óńirlik qolbasshylyǵynyń áskerı bólimderine shaqyrylǵan 200 jas sarbaz Otanǵa adal bolýǵa ant berdi, dep habarlaıdy Egemen.kz.
О́ńirlik qolbasshylyqtyń baspasóz qyzmeti taratqan aqparatqa súıensek, ant berý is-sharasy Atyraý, Aqtóbe qalalary men Mańǵystaý oblysynyń Beıneý aýylyndaǵy áskerı bólimde ótken.
«Áskerı qyzmetke Almaty oblysynyń Jarkent qalasynan keldim. Bólimge kelgennen keıin áskerı daıyndyq bastaldy. Ant bergenge deıin tolqyǵan edik. О́ıtkeni, áskerı ant – ár jas sarbaz úshin erekshe áskerı joralǵy, áskerı qyzmet bastalatyn jaýapty ári qyzyqty sát. Biraq, karantındik shekteýlerlerge baılanysty bizdiń ant berý rásimine ata-anamyz qatysqan joq. Soǵan qaramastan, bári oıdaǵydaı ótti» deıdi jas sarbaz Islambek Erkimbekov.
Endi jas sarbazdar kishi mamandardy daıarlaý baǵdarlamasymen jaýyngerlik daıyndyǵyn odan ári jalǵastyrady. Olar artıllerıster, barlaýshylar, baılanysshylar, atqyshtar jáne basqa áskerı maman retinde Qarýly Kúshterdiń áskerı qyzmetshilerimen bir quramda bolady.