Kúzde – halyq sanaǵy

1 qyrkúıekten bastap sanaq.gov.kz arnaıy saıty jumysyn bastaıdy, mun­da qazaqstandyqtar 15 qazanǵa deıin on­laın-rejimde sanaqqa qatysty barlyq suraqqa jaýap bere alady. Dástúrli jalpy aralaý 1-30 qazan aralyǵynda júrgi­ziledi jáne ol belgilengen merzim ishinde sanaqtan onlaın-rejimde ótpegen respon­dentter arasynda júrgiziletin bolady. Dástúrli kezeńniń jańashyldyǵy – ınter­vıýer­lerdiń úı aralaý kezinde elektrondy planshetterdi paıdalanýy bolmaq. Bul sanaq júrgizetin qyzmetkerlerdiń eńbek shyǵynyn tómendetýge, málimetter sapasyna adam faktorynyń yqpalyn azaıtýǵa, JSN-in engize otyryp, sanaq málimetteriniń naqtylyq deńgeıin arttyrýǵa, qaǵaz ben keńselik quraldardy aıtarlyqtaı únemdeýge, sondaı-aq ıntervıýerler úshin qolaıly etip, olardyń jınaqylyǵyn arttyrýǵa múmkindik beredi.

Sanaq kezinde málimet jınaý úshin sáıkestendirgish aqparat retinde saýaldamaǵa qatysýshynyń JSN-i qoldanylady. Bul aqparat­tyń qaıtalanbaýyna múmkindik beredi.

Suraqtar aıasy keńidi

2021 jyldyń ulttyq sanaǵyn júrgizý kezinde Qazaqstan azamat­ta­ryna barlyǵy 87 suraq qoıy­lady. Ulttyq statıstıka bıýro­sy­nyń habarlaýynsha, sanaq paraq­taryndaǵy suraqtar tizbesi aı­tarlyqtaı ulǵaıtylǵan.

Mun­da barlyǵy 67 suraq jáne oǵan qo­symsha 20 naqtylaýshy suraq­tar kiristirilgen. Suraq­tar­dyń aıa­­syn keńeıtýge Eýro­palyq sa­naq­shylardyń 2020 jylǵy tur­­ǵyn úı qoryn jáne tur­ǵyn­dar sanaǵyn júrgizý jónin­degi usynystary men TMD Mem­leket­aralyq statıstıkalyq komı­­tettiń ádistemelik materıal­dary negiz boldy.

Saýaldama 73 suraq aıasynda júrgizilgen 2009 jyldyń ulttyq sanaǵynan ereksheligi, 2021 jyldyń sanaǵynda kóshi-qon, eńbekpen qamtý, neke jaǵdaıy, bala týý jáne til bilýi boıynsha suraqtar aıasy keńeıtilgen. Sondaı-aq BUU-nyń múgedektik statıstıkasy jónindegi Vashıng­ton tobymen usynylǵan jańa suraqtar qosyldy, munda múge­dektik krıterıılerin eskerip, densaýlyq saqtaý statıstıkasy aıasynda halyqaralyq yntymaq­tas­tyqty keńeıtýge yqpal etý kózdelgen.

Alǵash ret onlaın qatysa alady

Ulttyq statıstıka bıýrosy habarlaǵandaı, 2021 jyldyń Ulttyq sanaǵyn 1 qyrkúıekten 15 qazanǵa deıingi aralyqta sanaq.gov.kz. arnaıy saıtynda onlaın rejimde respondentterdiń ózderiniń toltyrýy arqyly júr­gizý josparlanýda.

Júıe táýligine 24 saǵat boıy qoljetimdi bolady. Respondent sanaqqa qatysý úshin ózine yń­ǵaıly kez kelgen ýaqytty tańdaı alady, sondaı-aq saıtta blankty tol­tyrýdy toqtatý jáne ony toltyrýdy keıin qaıta jal­ǵastyrý múmkindigi bolady. Sonymen qatar egov.kz elek­trondy úkimet platformasynda sanaq.gov.kz saıtynyń qosymsha paraǵy ornalastyrylady, bul arqyly elektrondy sıfrly qoltańbany (ESQ) qoldanyp, sanaqqa qatysýǵa bolady. Mobıldi azamattar úshin «Aitu» mobıldi qosymshasy arqyly Ulttyq sanaqqa qatysý múmkindigi usynylatyn bolady.

Sall-ortalyq jumys isteıdi

2021 jyldyń Ulttyq sanaǵy kezinde 1446 biryńǵaı call-or­talyǵy jumys isteıdi.

1446 – eldiń barlyq aýmaǵyn­daǵy mobıldi jáne stasıo­nar telefondar úshin biryńǵaı nómir bolady. Sondaı-aq, 8 8000 800 878 nómiri jumys isteıdi. Sall-orta­lyqqa qońyraý shalý tegin.

Respondent call-ortalyqqa 1446 nómiri boıynsha qońyraý shalǵan kezde keıbir aıqyn suraq­­tar boıyn­sha Bıýronyń aı­maq­tardaǵy jáne Ortalyq appa­­rattaǵy sáıkesti telefon nómir­lerine avtomatty túrde qosýlar júrgiziledi. Sonymen qatar respondentter kez kelgen aryz-saýal­men nemese keńes alý úshin Bıýronyń http://stat.gov.kz ın­ternet-resýrsyna, Bıýro bas­shy­­synyń blogyna, sondaı-aq áleýmettik jeliler arqyly (YouTube, Facebook, Instagram, Telegram) júgine alady.

32 myńnan astam adam tartylady

Ulttyq statıstıka bıýrosy habarlaǵandaı, ýaqytsha ju­mysqa kelesi talaptarǵa sáı­kes keletin Qazaqstan azamattary tartylady: jasy 18-den joǵary, bastamashyl, jaýapty, tez til tabysatyn, kompıýtermen jumys isteı alatyn, jumys ótiline jáne kásibı bilimine talaptar qo­ıylmaıdy.

Qazirgi ýaqytta 17 aımaqtan jalpy sany 85 adamnan turatyn ulttyq sanaqty daıyndaý jáne ótkizý jónindegi shtattan tys bó­limder quryldy. Barlyq qyz­metkermen eńbek kelisimsharty ja­saldy, dárejelerine baı­lanys­ty 65-105 myń teńge ara­lyǵynda aılyq eńbekaqy bel­gilendi. Bul bólimder óz aımaq­tary boıynsha sanaqqa daıyndyq jáne ótkizý boıynsha uıymdastyrý jumystaryn júrgizýde, ýákilderdiń, nusqaý­shy-baqylaýshylardyń jáne ın­ter­vıýerlerdiń jumystaryn ba­qy­laýda.

Sanaqty daıyndaý jáne ótkizý úshin aýdan ortalyq­ta­ryndaǵy jáne aýyldyq okrýg­terdegi statıs­tıkanyń aýmaq­tyq bólimshelerinde ult­tyq sanaqty daıyndaý jáne ótkizý boıynsha 997 nusqaýshy (ýákilder) jumysqa tartylady. Ýákilderdiń eńbekaqysy 85 477 teńgeni quraıdy, sondaı-aq aı­lyqtyń 10% mólsherinde jalaqyǵa ústeme qarastyrylǵan.

Nusqaýshylardyń mindetine daıyndyq is-sharalaryn ót­kizý kiredi: sanaqtyń júr­gi­zilýin BAQ-ta jarııalaýdy uıym­­das­tyrý; sanaq qyzmet­kerlerin tańdaý, olardy oqy­tý jáne úı­lestirý boıyn­sha uıym­das­tyrý jumystary; sa­naq­tyq aýdandas­tyrýdy (tir­keý, nus­qaýshylyq jáne eseptik ýchas­kelerge bó­lý) qurýdy qam­ta­masyz etý; tur­ǵyndar sana­ǵyn ótkizýge qatysý.

Málimetter jınaý boıynsha tikeleı jumys úshin ýaqytsha 32 313 sanaq qyzmetkerleri: nus­qaýshy-baqylaýshylar jáne ıntervıýerler tartylatyn bolady. Intervıýerlermen jáne nus­­qaýshy-baqylaýshylarmen aqy­­ly qyzmet kórsetý boıynsha kelisimsharttar jasalady. In­tervıýerlerdiń 1-shi jáne 2-shi kezeńniń jumysyna aqy tóleý tolyq kólemde qyzmet kór­se­tilgen jaǵdaıda 30 kúnge 83-104 myń teńgeni quraıdy. 1-shi jáne 2-shi kezeńniń nusqaýshy-ba­qylaýshylaryna tolyq kó­lemde kórsetilgen qyzmet úshin 45 kúnge 125 014 teńge tóleý jos­parlanýda.