«Sıfrly Qazaqstan» memlekettik baǵdarlamasy aıasynda osy jyly Shymkenttegi kásiporyndarǵa 3,7 myń aqyldy sý eseptegish quraldary ornatylmaq. Bul týraly «Sý resýrstary-Marketıng» JShS basshysy Anarbek Orman málimdedi.
Mekeme basshysynyń aıtýynsha, sýmen jabdyqtaý jáne káriz salasyndaǵy óndiristik prosesterde sıfrlandyrý jumystary qarqyndy júrgizilýde. Osylaısha, joba tolyqtaı iske qosylsa, kommersııalyq qurylymdardyń 86 paıyzyna adam faktorynyń qatysýynsyz qyzmet kórsetiletin bolmaq.
«Aldaǵy 5 jylda barlyq tutynýshyǵa aqyldy sý eseptegishter ornatý josparlanyp otyr. Búginde qaladaǵy 7 243 zańdy tulǵalardyń 2,5 myń tutynýshysy elektrondy basqarý fýnksııasy bar «IC-card» aqyldy sý eseptegishti paıdalanýda», deıdi mekeme basshysy.
Sıfrly tehnologııalar kásiporyn qyzmetiniń barlyq salasynda qoldanylatynyn aıtqan seriktestik basshysynyń baıandaýynsha, sıfrlandyrýdyń nátıjesinde turǵyndar sýdy únemdeı bastaǵan. Al mekemeniń halyqqa qyzmet kórsetý sapasy joǵarylaǵan.
Budan bólek, 2025 jylǵa deıin Shymkent qalasynyń geoportalyna barlyq salanyń málimetteri biregeı formatta jınalyp, sýmen, káriz júıesimen qamtamasyz etý jumystary júz paıyz sıfrly formatqa kóshpek. Bul óz kezeginde sý júıesindegi aqaýlar men jóndeý jumystaryn onlaın baqylap, servıstik qyzmettiń sapasyn arttyrýǵa kómektespek.
ShYMKENT