Qurlyqtyq hokkeı lıgasynyń (QHL) 2021/2022 jyldardaǵy maýsymynyń jarys kestesi bekitildi. Básekeler ádettegideı eki kezeńnen turady, dep habarlaıdy Egemen.kz.
Turaqty birinshilik barysynda ár komanda «úıdegi» jáne «túzdegi» oıyndy qosa alǵanda barlyǵy 56 kezdesýden ótkizedi. Ol jarys bıylǵy jyldyń 1 qyrkúıeginde bastalyp, kelesi jyldyń 1 naýryzynda óz máresine jetedi. Tusaýkeser kezdesýde Ombylyq «Avangard» pen Máskeýdiń SSKA klýbtary kúsh synasady. Sondaı-aq 2022 jyly Beıjińde alaýy tutanatyn XXIV qysqy Olımpııa oıyndary kezinde eki aptalyq úzilis jarııalaý jaǵy da qarastyrylǵan.
Esterińizge sala keteıik, ǵalamdyq doda 4-20 aqpan aralyǵynda uıymdastyrylady dep josparlanyp otyr.
Alǵashqy synaqtan súrinbeı ótken komandalar pleı-offqa joldama alady. Gagarın kýbogy jolyndaǵy jarys 4 naýryzda bastalady. Al aıtýly dodanyń eń úzdik komandasy sáýir aıynyń sońǵy kúnderi anyqtalady.
QHL-dyń byltyrǵy maýsymy «Avangard» klýbynyń jeńisimen aıaqtalǵany edi. Fınalda alty oıynnyń qorytyndysy boıynsha SSKA-ny 4:2 esebimen utqan ombylyq hokkeıshiler Gagarın kýbogyn oljalady.