Týrızm jáne sport mınıstrliginiń sport komıteti 8-9 mamyr kúnderi Almaty qalasynda BAQ ókilderi arasynda jyl saıyn shaǵyn fýtboldan ótetin dástúrli Seıdahmet Berdiqul atyndaǵy respýblıkalyq týrnır ótetindigin habarlaıdy.
Týrnır maqsaty – elimizdiń buqaralyq aqparat quraldary qyzmetkerleri arasynda “Ult densaýlyǵy” baǵdarlamasynyń aıasynda buqaralyq sportty, onyń ishinde fýtboldy damytý, salamatty ómir salty men elimiz fýtbolyn halyq arasynda nasıhattap, týrnır arqyly eń úzdik óner kórsetken BAQ komandalary men ókilderin anyqtaý.
Atalmysh dodaǵa buqaralyq aqparat isteri jónindegi organnyń, menshiktiń barlyq túrlerindegi gazet-jýrnal redaksııalarynyń, teleradıo habarlar taratý salasy mekemeleriniń komandalary jiberiledi. Komanda BAQ-tyń tek shyǵarmashylyq ujymy, dárigerdiń anyqtamasy, jeke fotosýreti bar qyzmettik kýáligi men eńbek kitapshasy boıynsha ǵana qabyldanady.
Týrnırge tapsyrys 7 mamyr kúni Almatydaǵy “Temir dos” sport kesheniniń 2-shi qabatyndaǵy konferensııa zalynda saǵat 17.00-de qabyldanady (Jambyl men Naýryzbaı batyr kósheleri qıylysynda). Mandattyq komıssııa da osy meken-jaıda jumys isteıtin bolady.
Anyqtama telefondary: Týrızm jáne sport mınıstrliginiń sport komıteti – 8 (7172) 75-35-19.
Ulttyq shtattyq komandalar jáne sport rezervi dıreksııasy – 8 (7172) 91-15-29.