Oral men qala mańyndaǵy eldi meken turǵyndary masa men shirkeıdiń kóptigine shaǵymdanady. Adamdar keshke dalaǵa shyǵý múmkin emes ekenin aıtty, dep habarlaıdy Egemen.kz.
Oblystyq energetıka jáne turǵyn úı-kommýnaldyq sharýashylyq basqarmasy aýmaqty masa men shirkeıge qarsy óńdeýge 93 mıllıon teńgeden asa qarajat bólingenin málimdedi.
Oral turǵyndary jazdyń aptap ystyǵynda dalaǵa shyǵý múmkin emes ekenin, al kún salqyndaıtyn keshki ýaqytta «qansorǵyshtar» mazalaıtynyn aıtty.
«Biz Jaıyq ózeni mańynda turamyz. Keshke qyzymyzdy alyp serýendeýge shyǵamyz. Alaıda kóshede júrý múmkin emes. Aıaq-qoldyń bárin shaǵyp tastaıdy. Oǵan bólingen mıllıondaǵan qarjy qaıda ketti?», dedi qala turǵyny Tatıana Sımonova.
Energetıka jáne TKSh basqarmasy málimeti boıynsha, Oral aýmaǵy men oǵan jaqyn mańdaǵy aýyldardy dezınfeksııalaýǵa 93 mıllıon teńge bólingen.
«Jumysty «Magtoksın» JShS júrgizedi. Birinshi kezeńde 2 myń gektar jer óńdeldi. Bul ózen ańǵary, toǵandar, sý shalǵyndary. Endi óńdeýdiń ekinshi kezeńi bastaldy. 13 myń gektardy óńdeý josparlanǵan», dedi BQO energetıka jáne TKSh basqarmasy bóliminiń bas mamany Aıan Hamıdýllın.
Sarapshylar maýsymǵa deıin masa men shirkeıge qatysty jaǵdaıy turaqtalatynyn aıtty.