Bizdiń eldiń munaı-gaz salasyndaǵy eń úzdik kompanııalardyń kóshin bastap turǵan «Teńizshevroıl» JShS Qazaqstandaǵy eń tartymdy jumys berýshi dep tanyldy. Bul – Randstad Employer Brand Research zertteýiniń nátıjesi. Kompanııa mundaı mártebege ekinshi jyl qatarynan ıe bolyp otyr.
Atalǵan zertteý álemniń 34 elinde júrgiziledi jáne eń tartymdy salalar men jumys berýshilerdi anyqtaıdy. Bul joly Teńizshevroıldan bólek, munaı-gaz salasyndaǵy úzdik úsh kompanııanyń qataryna «QazMunaıGaz» ben «Qarashyǵanaq Petrolıým Opereıtıng» engen eken.
«Teńizshevroıl» JShS-nyń adamı resýrstardy basqarý jónindegi bas menedjeri Kamshat Baıjanovanyń aıtýynsha, kompanııa osy jetistigi arqyly básekelestik bási joǵary eńbek naryǵyndaǵy teńdesiz brend ekenin moıyndatty.
– Úzdikter kóshin bastaý erekshe jaýapkershilik júkteıdi. Sondyqtan biz adamı kapıtaldy damytýǵa meılinshe den qoıamyz. Biz qyzmetkerlerdi damytýǵa, qaýipsiz jumys ortasyn qurýǵa jáne salaýatty korporatıvti mádenıetti saqtaýǵa ınvestısııa salamyz. О́ıtkeni Teńizshevroıl qyzmetkerleri – kompanııanyń alǵa qoıǵan maqsattaryna jetýge jol ashatyn eń qundy kapıtal ári qozǵaýshy kúsh. Adamı kapıtaldy ınvestısııalaý – Teńizshevroıldyń strategııalyq maqsattarynyń biri, – deıdi Kamshat Baıjanova.
Eske sala keteıik, Randstad Employer Brand Research – jumys berýshilerdiń brendin zertteýge arnalǵan halyqaralyq saýalnama. Jylyna bir márte Randstad tapsyrysymen júrgiziledi. Ony júrgizý Kantar táýelsiz zertteý kompanııasyna júktelgen. Osylaısha, árbir el boıynsha jumys berýshini tańdaýdyń negizgi ólshemsharttar reıtıngi jasalady. Budan bólek, jumys úshin salalardyń tartymdylyq reıtıngi túziledi. Sonymen qatar jumysshylar sany boıynsha respýblıkadaǵy eń iri jumys berýshilerdiń tartymdylyq reıtıngi anyqtalady.
Randstad Employer Brand Research álemdegi jan-jaqty, táýelsiz ári tereń zertteıtin berýshilerge arnalǵan saýalnama bolyp sanalady. Onda 18-den 65 jasqa deıingi eńbekke qabiletti adamdardyń pikiri eskeriledi.
Zertteýge sáıkes, saýalnamaǵa jaýap bergen «Teńizshevroıl» JShS qyzmetkerleri jaqsy jumys berýshiniń kelesideı mańyzdy ólshemsharttaryna basymdyq beripti. Máselen, saýalnamaǵa qatysqandardyń 79 paıyzy kompanııadaǵy jalaqynyń jaqsy ekenin alǵa tartsa, 72 paıyzy kompanııanyń qarjylyq turaqtylyǵyn bóle-jara atap ótken. Jaýap berýshilerdiń 67 paıyzy mansaptyq turǵydan ósýge múmkindik bar dese, 61 paıyzy Teńizshevroılda qalyptasqan jaqsy jumys atmosferasyna nazar aýdarǵan.
– COVID-19 pandemııasy kezinde qaýipsiz jumys ortasyn qurý toptardyń barlyǵy úshin jumys berýshilerdi tańdaýdaǵy mańyzy tómen ólshemshart bolyp shyqty – 32 paıyz. Al mansaptyq turǵydan joǵary bilimdi qyzmetkerler úshin mańyzdy ólshemshart bolyp tabylady, – deıdi ANCOR Central Asia kadrlyq holdınginiń bas dırektory Valerııa Petrýnına.
Rasynda da, kompanııa ujymdaǵy eńbek jáne óndiristik qatynastardy retteý, jalpy eńbekaqy tóleýdiń tıimdi júıesin qurý, qyzmetkerlerdi damytýǵa múmkindikter berý ári olardyń áleýetin ashýǵa kómektesetin oqytý, damytý baǵdarlamalary arqyly qyzmetkerlerdi áleýmettik qorǵaýmen qamtamasyz etýge erekshe basymdyq beredi. Sonymen qatar ártúrli taǵylymdamalar, kadrlyq rezervti josparlaý, áleýmettik baǵdarlamalardyń keńeıtilgen paketin, korporatıvti mádenıetti saqtaýǵa baǵyttalǵan jeńildikter men bastamalar usynady. Qyzmetkerlerdiń kompanııanyń qundylyqtary men strategııasyna adal bolýyna nazar aýdarady.
2020 jyldyń sońynda Teńizshevroıldyń negizgi óndirisindegi shtattyq qyzmetkerlerdiń úlesi 92 paıyzdy qurady. Al kompanııanyń negizgi óndirisindegi qazaqstandyq menedjerlerdiń úlesi jalpy basshylar tobynyń 85 paıyzyna teń. Teńizshevroıldyń 29 qyzmetkeri «Shevron» korporasııasynyń ártúrli bólimshelerine taǵaıyndalǵan. Jalpy, kompanııada 25 ulttyń ókilderi jumys isteıdi. Medısınalyq saqtandyrý baǵdarlamasy boıynsha kompanııa qyzmetkerleri men otbasy músheleriniń 11 404-i saqtandyrylǵan. Teńizshevroıl 2008 jyldan bastap óz qyzmetkerlerin oqytý baǵdarlamalaryna 81 mln AQSh dollarynan astam ınvestısııa jumsaǵan. Kompanııadaǵy adamı kapıtalǵa qanshalyqty mán beriletinin osydan-aq ańǵarýǵa bolady.
Atap óterligi, Teńizshevroılda jumys isteý prosesi ozyq tehnologııalarǵa sáıkes keledi jáne jumysqa qabyldaný ashyq túrde júrgiziledi. Kompanııanyń saıtynda bos jumys oryndary týraly aqparat jarııalanady. Osylaısha, atalǵan resýrs arqyly áleýetti kandıdattardyń barlyǵy tıisti aqparatqa qol jetkize alady.
Kompanııa tek tájirıbeli mamandarǵa ǵana nazar aýdarmaı, sonymen qatar kompanııanyń qajettilikterine qaraı joǵary oqý oryndarynyń talantty da talapty túlekterine de múmkindik beredi. Túptep kelgende osynyń bári kompanııanyń el ishindegi senimin, bedelin arttyra túsedi.
Kompanııanyń qyzmetkerler aldyndaǵy áleýmettik jaýapkershiligi ujymdyq shartta kórsetilgen. Shartqa qol qoıý tájirıbesi 1996 jyldan beri qoldanylyp keledi. Bul kóptegen máselelerdi ári qyzmetkerlerdiń pikirin eskerýge talqylaýǵa múmkindik beredi.
Eske sala keteıik, Teńizshevroıl – shıki munaı, gaz jáne kúkirt óndirýmen ári ótkizýmen aınalysatyn qazaqstandyq kompanııa. Mundaǵy jumystardyń barlyǵy qaýipsizdik tehnıkasy men qorshaǵan ortany qorǵaýdyń halyqaralyq talaptarǵa saı júrgizilýde. «Teńizshevroıl» JShS 1993 jyly Qazaqstan Respýblıkasy men «Shevron» kompanııasy arasyndaǵy kelisim negizinde quryldy.
Teńizshevroıldyń qazirgi ýaqyttaǵy negizgi seriktesteriniń qatarynda «Shevron» korporasııasy (50 paıyz), «QazMunaıGaz» UK» AQ (20 paıyz), «EksonMobıl Qazaqstan Venchýrs Ink.» (25 paıyz) jáne «LýkArko» (5 paıyz) bar.