19 mamyrda Qazaqstannyń barlyq aımaǵynda atmosferalyq aǵyndardyń ótýine baılanysty aýa raıy qubylmaly bolady, dep habarlaıdy Egemen.kz Qazgıdrometke silteme jasap.
Sınoptıkterdiń boljaýynsha, keı jerlerde jańbyr jaýyp, naızaǵaı oınaıdy, burshaq jaýýy yqtımal, elimizdiń soltústik jartysynda, ortalyqta jáne shyǵysta nóser jaýyp, daýyl soǵýy múmkin. Tek elimizdiń ońtústik-batysynda kún raıy ashyq bolady.
Soltústik Qazaqstan, Qaraǵandy oblystarynda daýyl soǵady, jel jyldamdyǵy 15-20 m/s deıin kúsheıedi, burshaq jaýýy yqtımal.
Aqmola, Pavlodar oblystarynyń keı jerlerinde daýyl soǵady, jel ekpini 25 m/s jetedi, burshaq jaýýy múmkin.
Shyǵys Qazaqstan oblysynyń keı jerlerinde daýyl soǵýy múmkin, jel kúsheıip 23-28 m/s jetedi, burshaq jaýady.
Kúndiz Batys Qazaqstan oblysynyń batysynda daýyl soǵady, burshaq jaýýy múmkin.
Qyzylorda oblysynda shańdy daýyl soǵyp, jel jyldamdyǵy 23 m/s bolýy yqtımal.
Qostanaı, Jambyl, Almaty oblystarynyń keı jerlerinde jel 15-20 m/s deıin kúsheıedi, Jambyl oblysynda kúndiz burshaq jaýady.
Aqtóbe oblysynyń keı jerlerinde jel 16 m/s kúsheıedi.
Mańǵystaý oblysynda tuman túsýi yqtımal.
Batys Qazaqstan, Atyraý oblystarynda qatty ystyq bolady.
Qyzylorda oblysynyń basym bóliginde, Atyraý oblysynyń keı jerlerinde, Almaty, Shyǵys Qazaqstan oblystarynyń jekelegen aýdandarynda óte joǵary órt qaýpi saqtalady.