Munaıly shahardaǵy aıaldamanyń biri «sóıleıtin» boldy, dep habarlaıdy Egemen.kz.
Atyraý qalalyq ákimdigi baspasóz qyzmetinen málim etkendeı, Avangard-4 shaǵyn aýdanyndaǵy «Perzenthana» aıaldamasyna arnaıy aqparattyq tablosy bar taqta ornatyldy. Bul – shahardaǵy alǵashqy pılottyq joba.
«Aqparattyq taqta qala ákiminiń bastamasymen ornatyldy. Ony «Smart Atyraý» KMM ázirledi. «Perzenthana» aıaldamasyndaǵy aqparattyq tabloda marshrýt nómiri, sońǵy aıaldama men avtobýstyń keletin ýaqyty kórsetiledi. Al, nashar kóretin jáne zaǵıp jandar úshin daýysty nusqasy bar. Daýyspen habarlaý eki tilde – qazaqsha jáne oryssha aıtylady. Atalǵan derekterdi bilý úshin sary batyrmany basý qajet. Bul erekshe qajettiligi bar adamdarǵa qoljetimdi orta qurý úshin jasaldy», dep habarlady qalalyq ákimdiktiń baspasóz qyzmeti.