Elordada kottedj shatyry órtenip, 2 adam qutqaryldy, dep habarlaıdy Egemen.kz Nur-Sultan qalalyq tótenshe jaǵdaılar departamentine silteme jasap.
Aqyrtas kóshesi boıyndaǵy úı órtenip jatqany týraly habarlama búgin saǵat 11-42-de túsken. Oqıǵa ornyna jetken mamandar eki qabatty kottedjdiń shatyry órtenip jatqanyn, ekinshi qabat jataqhana bolǵandyǵyn, sonymen qatar ǵımaratqa japsarlas dúken men dámhana salynǵanyn anyqtady. О́rt saǵat 12-22-de sóndirildi.
«О́rtti sóndirýge jeke quramnan 18 maman jáne 4 tehnıka jumyldyryldy. Qyzyl jalyn sharpyǵan aýmaq 150 sharshy metrdi quraıdy. Elordalyq órt sóndirýshilerdiń kásibı is áreketteriniń arqasynda órtenip jatqan úıden er adam men áıel qutqaryldy. Olardy jedel járdem qyzmetkerleri tekserdi, jaǵdaılary qanaǵattanarlyq. Sondaı-aq órt sóndirýshiler 7 gaz ballonyn qaýipsiz jerge shyǵardy», dedi vedomstvodan.