Búginde oblystaǵy 304 mekteptiń 302-ine, 30 kolledjdiń barlyǵyna 4828 beınebaqylaý kamerasy ornatyldy. Onyń 3134-i ǵımarat ishine, 1694-i syrtyna qoıylǵan. Bul týraly óńirlik kommýnıkasııalar qyzmetinde oblystyq polısııa departamenti jergilikti polısııa qyzmetiniń bastyǵy Baýyrjan Ibraev málimdedi, dep jazady Egemen.kz.
Qaladaǵy 14 mekteptiń 420 beınebaqylaý kamerasy Jedel basqarý ortalyǵyna, aýdandardaǵy 56 mekteptiń 594 kamerasy kezekshi bólimderdegi júıege qosylǵan. Qalǵan orta mektepterdiń beınebaqylaý kameralaryn polısııa organdaryna qosý máselesi qaralýda.
«Memlekettik organdarmen birlesip árbir bilim berý uıymdarynda ornatylǵan beınebaqylaý kameralarynyń standartqa sáıkestigi nazarǵa alynyp, jeke kúzet mekemelerimen kelisim-shartqa otyrý máseleleri boıynsha jumystar júrgizilýde. Tek polısııa kúshimen kámelettik jasqa tolmaǵandardyń jáne olarǵa qarsy jasalatyn qylmystardy tyıý múmkin emes. Sondyqtan, bala tárbıesine múddeli organdarmen birigip balalar men ata-analarǵa túsindirme jumystaryn júrgizý oń nátıje beretini anyq. Beımezgil ýaqytta balalaryńyzdyń oıyn alańdarynda, kópqabatty úı aýlalarynda, kóshelerde jáne basqa da oryndarda jalǵyz júrýine jol bermeńizder», dedi OPD Jergilikti polısııa qyzmetiniń bastyǵy Baýyrjan Ibraev.
Bıyl 25 mamyrda sońǵy qońyraý keshin ótkizýge ruqsat etildi. Osyǵan oraı, oqýshylardyń qaýipsizdigin polısııa qyzmetkerleri qatań baqylaıtyn bolady. Ortalyq alań, park, kóshelerge patrýldik qyzmetkerler reıdke shyǵady.