Aýyl sharýashylyǵy mınıstrligi azyq-túlik taýarlarynyń negizgi 32 sanaty boıynsha óńirlerdiń qamtamasyz etilýine apta saıyn monıtorıng júrgizýdi jalǵastyrýda, dep habarlaıdy Egemen.kz vedomstvonyń baspasóz qyzmeti taratqan aqparatqa silteme jasap.
Bul monıtorıng turaqtandyrý qorlaryndaǵy, iri saýda jelilerindegi, jetkizýshiler men qaıta óńdeý kásiporyndarynyń qoımalaryndaǵy qorlardy apta saıyn baqylaıdy.
О́ńirler jibergen 13 mamyrdaǵy derekter boıynsha, respýblıkada jalpy kólemi 1,2 mln tonna bolatyn túrli azyq-túlik taýar qory bar. Onyń ishinde óndirýshi kásiporyndarda – 625,2 myń tonna, qoımalarda – 173,2 myń tonna, saýda jelilerinde – 345,1 myń tonna, turaqtandyrý qorlarynda – 19,6 myń tonna qor bar. Budan bólek, 319,9 mln dana jumyrtqa jáne 5,6 mln tonna azyq-túlik bıdaıy bar.
Aıta ketý kerek, azyq-túlik óndirisi artyp keledi jáne qorlar únemi jańartylyp, tolyqtyrylyp otyrady. Sondyqtan, azyq-túlik tapshylyǵy joq.